ઓસ્ટ્રેલિયાએ બંધ કર્યો આ વિઝા પ્રોગ્રામ, મોટી સંખ્યામાં થશે ભારતીયોને અસર

ઓસ્ટ્રેલિયન પીએમે જાહેરાતમાં કહ્યું કે, 457 વિઝા પ્રોગ્રામની જગ્યાએ એવો વિઝા પ્રોગ્રામ આવશે, જેમાં ઓસ્ટ્રેલિયા માટે જે લોકો સૌથી શ્રેષ્ઠ હશે તેમની જ પસંદગી કરવામાં આવશે. જાણકારો અનુસાર, ઓસ્ટ્રેલિયામાં વધી રહેતા બેરોજગારના પ્રમાણને પહોંચી વળવા માટે ઓસ્ટ્રેલિયન સરકારે આ પગલું લીધું છે. ટ્રમ્પની અમેરિકા ફર્સ્ટની નીતિની જેમ જ ઓસ્ટ્રેલિયન પીએમ એ પોતાની સ્પીચમાં, ઓસ્ટ્રેલિયન્સ ફર્સ્ટની વાત કરી હતી. ફોરેન વર્કર્સ માટે જે જોબ અવેલેબલ છે, તેની ભરતીમાં પહેલા ઓસ્ટ્રેલિયન્સને તક આપવામાં આવશે તથા ઓસ્ટ્રેલિયન જોબ્સ અને ઓસ્ટ્રેલિયન મૂલ્યો પર ફોકસ કરવાની વાત ઓસ્ટ્રેલિયન પીએમે કરી હતી.

ઓસ્ટ્રેલિયામાં સ્કિલફુલ વર્કર્સની ખોટ પૂરી કરવા માટે 457 વિઝા પ્રોગ્રામ શરૂ કરવામાં આવ્યો હતો. 457 વિઝા હોલ્ડર પોતાના પરિવારના સભ્યોને પણ ઓસ્ટ્રેલિયા લાવી શકતો. પરિવારના અન્ય સભ્યોને 457 સેકન્ડરી વિઝા મળતા. ટર્નબુલે કહ્યું હતું કે, કેટલાંક લોકો તથા કંપનીઓ 457 વિઝાનો ઉપયોગ સ્કિલફુલ નહીં પણ સસ્તા વર્કર્સને લાવવા માટે કરતા હતા.

457 વિઝા થકી મોટાભાગના કામચલાઉ વર્કર્સ ઓસ્ટ્રેલિયા જતાં હતા. લગભગ 95000 જેટલા લોકો પાસે આ કેટેગરીના વિઝા છે, જેમાં મોટાભાગના ભારતીયો છે. જો કે, જે લોકો હાલમાં 457 વિઝા ધરાવે છે, તેમના પર નવા પ્રોગ્રામની અસર નહીં થાય. આ વિઝા પર ભારતીયો પછી સૌથી વધુ ઈંગ્લેંડ અને ચીનના નાગરિકો ઓસ્ટ્રેલિયા આવે છે.

મેલબોર્ન: ઓસ્ટ્રેલિયા જવા માટે હવે ભારતીયોને 457 વિઝા નહિ મળે. ભારતીયોને આંચકો આપતી જાહેરાત આજે કરવામાં આવી છે. ઓસ્ટ્રેલિયન સરકાર 457 વિઝા પ્રોગ્રામ બંધ કરીને નવો વિઝા પ્રોગ્રામ શરૂ કરશે.