અમેરિકના કોલસેન્ટર કૌભાંડમાં 4 પાટીદારો દોષિત, 1 પાકિસ્તાનીને પણ સજા

અમેરિકાઃ અમેરિકામાં ભારતના કોલ સેન્ટર્સ દ્વારા ટેલીફોનના માધ્યમથી મોટા સ્થળે કરવામાં આવતી છેતરપીંડી અને મની લોન્ડ્રિંગ કાવતરામાં 4 પાટીદાર યુવકો અને 1 પાકિસ્તાનીની ધરપકડ કરવામાં આવી છે અને તેમને પોતાન ભૂમિકા હોવાના આરોપોનો સ્વીકાર કર્યો છે.

સર્દન ડિસ્ટ્રિક્ટ ઓફ ટેક્સાસમાં સંઘીય ગ્રાન્ડ જ્યૂરી દ્વારા 19 ઓક્ટોબર 2016માં ચલાવવામાં આવેલા અભિયોગ હેઠળ અત્યાર સુધી 56 વ્યક્તિઓ તથા ભારતના ચાર કોલસેન્ટર્સ વિરુદ્ધ છેતરપીંડી તથા મની લોન્ડ્રિંગ કાવતરામાં પોતાની ભૂમિકાને લઈને આરોપ લગાવવામાં આવ્યા છે.

આ પહેલા 2 જૂનના રોજ એક ભારતીય નાગરિક હાર્દિક પટેલે આ જ અદાલત સમક્ષ દૂરસંચારના માધ્યમથી છેતરપીંડી સંબંધિત કાવતરાના મામલે પોતાના આરોપો સ્વીકાર્યા હતા. ન્યાય વિભાગે કહ્યું કે, તમામ પાંચ દોષિતોને સજા બાદમાં સંભળાવવામાં આવશે.

ઘટનાની મળતી માહિતી પ્રમાણે, સર્દન ડિસ્ટ્રિક્ટ ઓફ ટેક્સાસમાં અમેરિકા ડિસ્ટ્રિક્ટ કોર્ટેના ન્યાયાધીશ ડેવિડ હિટનર સમક્ષ ત્રણ ભારતીય 32 વર્ષીય રાજુભાઈ પટેલ, 33 વર્ષીય વિરાજ પટેલ, 53 વર્ષીય દિલીપકુમાર અંબાલાલ પટેલ અને 25 વર્ષીય પાકિસ્તાની નાગરિક ફહાદ અલીએ મની લોન્ડ્રિંગ કાવતરા સંબંધિત આરોપો સ્વીકાર્યા છે.