અમદાવાદ-રાજકોટ હાઈ-વે પર વોલ્વો-ટ્રક વચ્ચે અકસ્માત, બસ નીચે 5 લોકો ફસાયા

અમદાવાદઃ અમદાવાદ-રાજકોટ હાઈ-વે પર વોલ્વો બસ અને ટ્રક વચ્ચે ગમખ્વાર અકસ્માત થયો છે. આ અકસ્માતમાં પાંચ લોકો બસ નીચે ફસાયા હોવાના સમાચાર મળ્યા છે. આ અંગે મળતી માહિતી પ્રમાણે અમદાવાદ-રાજકોટ હાઈ-વે પર સાયલા તાલુકાની આવેલી ડોળીયા ચોકડી પાસે વોલ્સ બસ અને ટ્રક વચ્ચે અકસ્માત સર્જાયો હતો. આ ગમખ્વાર અકસ્માતમાં વોલ્વો પલ્ટી ખાઈ જતાં પાંચ લોકો બસ નીચે ફસાઇ ગયા હતા. આ અંગે જાણકારી મળતાં 108 અને મોબાઇલ પોલીસ ઘટના સ્થળે પહોંચ્યા છે અને ઇજાગ્રસ્તોને સારવાર માટે ચોટીલા સરકારી હોસ્પિટલમાં ખસેડવામાં આવ્યા છે. જોકે, કોઈ જાનહાનિના સમાચાર હજુ સુધી મળ્યા નથી.