ગુજરાતનો આ સમાજ જ્ઞાતિના યુવકોને રોજગારી આપવા આજે 250 ઈકો કાર, 50 બોલેરો આપશે, જાણો વિગત

અમદાવાદ: રાજ્યમાં વધી રહેલી બેરોજગારી વચ્ચે રોજગારીના પ્રશ્નને હલ કરવા માટે હવે જુદાજુદા સમાજનાં સંગઠનો દ્વારા પણ પ્રયાસો કરાઈ રહ્યા છે. આ પ્રયાસો અંતર્ગત ભરવાડ સમાજ દ્વારા યુવકોને 300 પીક-અપ વાન અને કારનું વિતરણ કરાશે.

આ કાર દ્વારા 1500 લોકોને રોજગારી મળશે. જે પણ યુવકને આ કાર મળશે તેમણે કોઈ ડાઉન પેમેન્ટ આપવાનું રહેતું નથી પણ બાકીના હપ્તા આપવાના રહેશે. આ હપ્તા ભર્યા પછી કાર તેમની થઈ જશે. આ પહેલાં પણ ભરવાડ સમાજ દ્વારા આ રીતે 250 કાર તથા પીક-અપ વાનનું વિતરણ કરાયું હતું.