ગુજરાતમાં કોંગ્રેસ લોકસભાની 26માંથી 16 બેઠકો જીતી શકે છે, રાહુલ ગાંધી સામે રજૂ કરાયું પ્રેઝન્ટેશન

જો કે કોંગ્રેસના રાષ્ટ્રીય અધ્યક્ષ રાહુલ ગાંધી હાલની આ પરિસ્થિતિથી ખુશ નથી અને તેમણે કોંગ્રેસના નેતાઓને વધુ સારી મહેનત કરીને વિધાનસભા બેઠકો પ્રમાણે સ્થિતિ સ્પષ્ટ કરવા સૂચના આપી છે. તેમણે આ તમામ બેઠકો પર ઉમેદવારોની પસંદગી પ્રક્રિયાને વેગ આપવા અને પ્રજાલક્ષી મુદ્દાઓને લઇને કાર્યક્રમો ઘડી કાઢવા પણ સૂચના આપી છે. હાલમાં ગુજરાતમાંથી લોકસભાની તમામ 26 બેઠકો બાજપના કબજામાં છે.

અમદાવાદઃ દિલ્હીમાં મળેલી ગુજરાત પ્રદેશ કોંગ્રેસ કોર કમિટિની બેઠકમાં ગુજરાતમાં લોકસભા ચૂંટણીમાં વધુમાં વધુ બેઠકો જીતવા માટે મનોમંથન થયું. આ બેઠકમાં પ્રદેશ કોંગ્રેસના નેતાઓએ રાહુલ ગાંધી સમક્ષ પ્રેઝન્ટેશન કર્યું અને 9 બેઠકો પર કોંગ્રેસની જીતની શક્યતા એકદમ પ્રબળ હોવાના દાવો કરાયો.