ગુજરાતના ફિક્સ પગારદારો ક્યારથી થશે કાયમી? સરકારે સુપ્રીમમાં શું કરી રજૂઆત? જાણો

સુપ્રીમે જણાવ્યું હતું કે, હાઇકોર્ટે હુકમ કર્યો ત્યારથી વિચારણા કરો છો, તો આ અંગેની નીતિ ઘડીને અમલમાં મૂકવાની તારીખ આપો. બીજી તરફ અરજદાર તરફથી એવી દલીલ કરવામાં આવી હતી કે, એક હોદ્દા પર ફરજ બજાવતા કર્મચારીને પ્રમોશન મળે તો પ્રમોશન થયેલી જગ્યા ઉપર નવેસરથી પાચં વર્ષ સુધી ફિક્સ પગારે કામ કરવું પડે છે. જેના કારણે એક વ્યકિતને ૧૫ વર્ષ સુધી ફિકસ પગારે કામ કરવું પડે છે.

આ દલીલ સામે ચીફ જસ્ટિસે ઝાટકણી કાઢી ગુજરાત સરકારને કહ્યું હતું કે, સરકારે પોતાની નીતિ બદલવી પડશે, નહીં તો જો અમે ઓર્ડર કરીશું તો સરકાર આખી દેવાદાર બની જશે.સુપ્રીમે કહ્યું હતું કે, ફિક્સ પગારધારકો કોઇ વધારાના હોદ્દા પર કામ નથી કરતા. સરકારે મંજૂર કરેલી જગ્યા પર જ નોકરી કરે છે, તો બોજો શેનો પડે ?