આગામી 24 કલાક અમદાવાદ અને ઉત્તર ગુજરાતમાં ભારે વરસાદની આગાહી, જાણો વિગત

હવામાન વિભાગની આગાહી મુજબ આગામી 24 કલાક દરમિયાન અમદાવાદ જિલ્લામાં ગ્રામ્ય તેમજ શહેરી વિસ્તારમાં ભારેથી અતિભારે વરસાદ થવાની સંભાવના હોઈ શહેરીજનો અને ગ્રામ્યજનોને સાવચેતી રાખવા જણાવવામાં આવે છે. અમદાવાદ કલેક્ટર ડો.વિક્રાંત પાંડેએ નંબર પણ જાહેર કર્યા હતાં જેમાં ડીઝાસ્ટર કંટ્રોલ રૂમ નં. 079-27560511 અને AMC કંટ્રોલ રૂમ નં. 26582520 અને 25682530 સંપર્ક કરવો.

અમદાવાદ: આ વર્ષે મેઘરાજા જાણે અમદાવાદને હાથતાળી આપી રહ્યાં છે. જ્યારે દક્ષિણ ગુજરાત અને સૌરાષ્ટ્રમાં મેઘકહેરની સ્થિતિ સર્જાઈ છે. પરંતુ હવે અમદાવાદમાં મેઘ મહેર થાય તેવી પરિસ્થિતિનું નિર્માણ થઈ રહ્યું છે. આ ઉપરાંત ઉત્તર ગુજરાતમાં પણ મેઘરાજા મહેરબાન થાય તેવું લાગી રહ્યું છે.