નવા વર્ષમાં અદાણીએ આપ્યો મોટો ઝાટકો, CNG-PNGના ભાવમાં કર્યો વધારો, જાણો શું છે નવો ભાવ

અમદાવાદઃ એક બાજુ પેટ્રોલ અને ડીઝલના ભાવમાં લોકોને રાહત મળી રહી છે તો 2019ના પ્રથમ દિવસે જ અદાણીએ સામાન્ય લોકોને ઝાટકો આપ્યો છે. અદાણી કંપનીએ સીએનજી અને પીએનજીના ભાવમાં વધારો જાહેર કર્યો છે.

અદાણી દ્વારા કરવામાં આવેલ ભાવ વધારો અમદાવાદ અને વડોદરાના વાહનચાલકોને આર્થિક ઝાટકો આપ્યો છે. કંપનીએ સીએનજીના ભાવમાં કિલોએ 1 રૂપિયાનો વધારો કરીને કિલોએ 55 રૂપિયા કર્યા છે. આ પહેલા કિલોનો ભાવ 54 રૂપિયા હતો. આ ભાવ વધારો 2 જાન્યુઆરીથી લાગુ થઈ ગયો છે. અમદાવાદ અને વડોદરામાં સીએનજીના ૧.૫૦ લાખ વાહન ચાલકો ઉપર ભાવ વધારો ઝીંકાયો છે.