આણંદઃ પ્રેમપ્રકરણમાં ત્રણ યુવકોને થાંભલા સાથે બાંધીને જાહેરમાં ફટકાર્યા, શું થઈ ગઈ મોટી ભૂલ?

અન્ય યુવક અંગે પૂછપરછ કરતાં તેમણે ભગો નામનો છોકરો હોવાનું જણાવ્યું હતું. ફરિયાદી જયદીપસિંહ ઉર્ફે ભગો પોતાની સ્ટેશનરી દુકાને સવારે બેઠો હતો ત્યારે બે શખ્સો કામ છે તેમ જણાવી ખેતરમાં લઈ ગયા હતા. જ્યાં ચારેય આરોપીઓએ ભેગા મળીને ત્રણેય યુવકને ઢસડીને ગામમાં લઈ જઇ થાંભલા સાથે બાંધીને ઢોર માર માર્યો હતો. ભળતા નામ સાથે જયદીપસિંહને લઈ જઈ માર મારવાને પગલે યુવકે ફરિયાદ કરી છે.

આ સમગ્ર ઘટનામાં આરોપીઓએ યુવતીને ભગાડી જનાર નહીં, પરંતુ અન્ય ભળતા નામના યુવકને માર મારતાં પોલીસ ફરિયાદ થઈ છે. પ્રેમીના બે મિત્રોની સાથે તેને પણ થાંભલા સાથે બાંધીને ઢોર માર માર્યો હતો. જોકે, પરિવારજનોને ભૂલની જાણ થતાં તેની માફી માંગી હતી, જોકે યુવકે ફરિયાદ કરી છે. યુવકની ફરિયાદને આધારે ચારની ધરપકડ કરવામાં આવી છે. જોકે, જામીનપાત્ર ગુનો હોઈ તેમનો છૂટકારો થયો હતો.