Ganesh Chaturthi 2024: લાલ બાગ ચા રાજાની પ્રથમ ઝલક આવી સામે, ઘરે બેઠા કરો બાપ્પાના દર્શન
7મી સપ્ટેમ્બરથી શરૂ થતા ગણેશ ચતુર્થીના તહેવાર પહેલા લાલ બાગ ચા રાજાની પ્રથમ ઝલક સામે આવી છે
Ganesh Chaturthi 2024: 7મી સપ્ટેમ્બરથી શરૂ થતા ગણેશ ચતુર્થીના તહેવાર પહેલા લાલ બાગ ચા રાજાની પ્રથમ ઝલક સામે આવી છે. દર વર્ષની જેમ આ વર્ષે પણ બાપ્પાનો લુક એકદમ અનોખો છે. ગણેશ ચતુર્થીના પહેલા દિવસે દેશભરમાંથી લોકો લાલ બાગ ચા રાજાના દર્શન કરવા આવે છે.
#WATCH | First look of Mumbai's Lalbaugcha Raja unveiled ahead of Ganesh Chaturthi pic.twitter.com/rZ7G1QZ5zv
— ANI (@ANI) September 5, 2024
મહારાષ્ટ્રના મુંબઈમાં ગણપતિનું એક ભવ્ય મંદિર છે, જેને લાલ બાગ ચા રાજા તરીકે ઓળખવામાં આવે છે. આ વર્ષે લાલ બાગ ચા રાજાની સ્થાપનાને 91 વર્ષ થશે. ગણેશ ચતુર્થીના આ શુભ અવસર પર હવે લાલ બાગ ચા રાજાની પ્રથમ ઝલક સામે આવી છે.
લાલ બાગ ચા રાજાની એક ઝલક મેળવવા માટે લાખો લોકો કતારમાં ઉભા રહ્યા હતા. ગણેશ મહોત્સવ દરમિયાન મુંબઈના લાલ બાગ ચા રાજાની સૌથી વધુ ચર્ચા રહે છે. ગણેશ ઉત્સવનો તહેવાર 9 દિવસ સુધી ચાલે છે. આ વખતે ગણેશ ચતુર્થીનો તહેવાર 7 સપ્ટેમ્બર શનિવારથી શરૂ થશે અને 17 સપ્ટેમ્બરે અનંત ચતુર્દશીના રોજ સમાપ્ત થશે.
એવું માનવામાં આવે છે કે દસ દિવસ લાંબા ગણેશ ચતુર્થી ઉત્સવ દરમિયાન સામાન્યથી લઈને ખાસ સુધી દરેક વ્યક્તિ લાલ બાગ ચા રાજાના દર્શન કરવા માટે ઉત્સુક હોય છે. એવું કહેવામાં આવે છે કે ભગવાન ગણેશ આ મંદિરમાં દર્શન કરવા આવતા તમામ ભક્તોની દરેક મનોકામના પૂર્ણ કરે છે. ગણેશ ચતુર્થીના દસમા દિવસે બાપ્પાની મૂર્તિનું વિસર્જન કરવામાં આવે છે. જેમાં મોટી સંખ્યામાં લોકો પણ ભાગ લે છે.
લાલ બાગ ચા રાજાને દેશનો સૌથી પ્રખ્યાત પંડાલ કહેવામાં આવે છે. લાલ બાગ ચા રાજાની પ્રતિમાની ઉંચાઈ લગભગ 20 ફૂટ છે. ખાસ વાત એ છે કે બાપ્પાની મૂર્તિ બનાવવાની શરૂઆત તેમના ચરણથી કરવામાં આવે છે. વિસર્જન યાત્રા પણ ખૂબ જ શાહી રીતે કરવામાં આવે છે. લાલ બાગ ચા રાજાને જોવા માટે લોકો માત્ર દેશ જ નહીં પરંતુ વિદેશથી પણ આવે છે.
Ganesh Chaturthi 2024: ગણેશ ચતુર્થી ક્યારે, 6 કે 7 સપ્ટેમ્બરે? જાણો કયા દિવસે રાખશો વ્રત
ટોપ સ્ટોરી
ટ્રેન્ડિંગ સમાચાર
