Mokshada Ekadashi 2022: મોક્ષદા એકાદશી પર ભૂલથી પણ ન કરો આ કામ, નહિ તો ભગવાન વિષ્ણુ થશે ક્રોધિત

Mokshada Ekadashi 2022: આજે એટલે કે મંગળ માસના શુક્લ પક્ષની એકાદશીના દિવસે ભગવાન વિષ્ણુની વિશેષ પૂજા કરવામાં આવશે. એવું માનવામાં આવે છે કે આજના દિવસે એટલે કે મોક્ષદા એકાદશીના દિવસે પૂજા કરવાથી ભક્તોને મોક્ષ મળે છે

મોક્ષદા એકાદશનું મહત્વ

Mokshada Ekadashi 2022:આજે એટલે કે મંગળ માસના શુક્લ પક્ષની એકાદશીના દિવસે ભગવાન વિષ્ણુની વિશેષ પૂજા કરવામાં આવશે. એવું માનવામાં આવે છે કે આજના દિવસે એટલે કે મોક્ષદા એકાદશીના દિવસે પૂજા કરવાથી ભક્તોને મોક્ષ મળે છે અને તેમને જીવનના તમામ દુ:ખમાંથી મુક્તિ મળે છે. શાસ્ત્રોમાં 24 એકાદશી વ્રતનું વિગતવાર વર્ણન કરવામાં આવ્યું છે, સાથે જ આ બધા વ્રતનું પોતપોતાનું મહત્વ છે. પરંતુ એકાદશી વ્રતના દિવસે ભક્તોએ કેટલાક ખાસ નિયમોનું પાલન કરવું જરૂરી છે. જેની મદદથી તે ભગવાન વિષ્ણુના પ્રકોપથી બચી શકે છે. આવો જાણીએ મોક્ષદા એકાદશીના કેટલાક મહત્વપૂર્ણ નિયમો.

મોક્ષદા એકાદશીના ઉપવાસના નિયમો

શાસ્ત્રોમાં કહેવામાં આવ્યું છે કે, મોક્ષદા એકાદશીના વ્યક્તિએ ચોખા, લસણ, ડુંગળી, માંસ કે અન્ય તામસિક ભોજનનું સેવન ન કરવું જોઈએ. આ દિવસે આવું કરવું પાપની શ્રેણીમાં ગણાય છે.

 આ સાથે જે લોકો વ્રત રાખે છે અને ભગવાન વિષ્ણુને સમર્પિત ધાર્મિક વિધિઓમાં ભાગ લેશે તેઓએ આ દિવસે બ્રહ્મચર્યનું પાલન કરવું જોઈએ. અન્ય પ્રત્યે નરમ અને દયાળુ વર્તન રાખવું જોઈએ.

વ્રત દરમિયાન મહિલાઓ અને પુરુષોએ ઓછી વાત કરવી જોઈએ. કોઈની નિંદા ન કરવી જોઇએ.  વ્યર્થ બોલવાનું ટાળવું જોઈએ.

 આ બધાની સાથે આજે ભક્તોએ પણ ખાસ ધ્યાન રાખવું જોઈએ કે તેઓ ભૂલથી પણ કોઈ જીવની હત્યા ન કરે. ભલે તે નાની કીડી હોય. એટલા માટે આજે ઘરમાં સાવરણીનો ઉપયોગ ન કરો.

 એકાદશી વ્રતના દિવસે વાળ અને નખ કાપવાની પણ મનાઈ છે. જો ભૂલથી પણ આવું થઈ જાય તો સૂર્ય ભગવાન પાસે ક્ષમા માગો અને ભગવાન વિષ્ણુની પૂજા કરો.

એકાદશીના દિવસે દાનનું પણ વિશેષ મહત્વ છે. એવું માનવામાં આવે છે કે આ દિવસે વ્યક્તિની ક્ષમતા અનુસાર દાન કરવાથી ઉપવાસનું ફળ અનેકગણું વધી જાય છે અને વ્યક્તિ મૃત્યુ પછી મોક્ષ પ્રાપ્ત કરે છે.

Disclaimer:: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા  કોઈપણ પ્રકારની  માહિતીની પુષ્ટિ કરતું નથી. કોઈપણ માહિતી અથવા માન્યતા કે દવા નુસખા કે ઉપાયને અમલમાં મૂકતા પહેલા, જે તે વિષય  સંબંધિત નિષ્ણાતની સલાહ લો.