Raksha Bandhan 2022: ભદ્રા મુહૂર્તમાં નથી બાંધવામાં આવતી રાખડી, જાણો શુભ અને અશુભ મુહૂર્ત
Raksha Bandhan: શ્રાવણ મહિનાની પૂર્ણિમા તિથિએ ભદ્રા થોડો સમય માટે લાગે છે, ભદ્રામાં રાખડી બાંધવામાં આવતી નથી. ભદ્રાનો સમય સવારે 10:38 થી રાત્રે 8:50 સુધીનો રહેશે.
Raksha Bandhan: રક્ષાબંધનનો તહેવાર દર વર્ષે શ્રાવણ મહિનાની પૂર્ણિમાએ ઉજવવામાં આવે છે. આ વખતે રક્ષાબંધન 11 ઓગસ્ટ, ગુરુવારે છે. આ દિવસે બહેનો તેમના ભાઈના કાંડા પર રક્ષાનો દોરો બાંધે છે. તેના ભાઈથી તેના જીવનનું રક્ષણ કરવાનું વચન લે છે. રક્ષાબંધનના દિવસે ભાઈઓ તેમની બહેનોને કેટલીક ભેટ પણ આપે છે. રક્ષાબંધન એ ભાઈ અને બહેન વચ્ચેના અતૂટ પ્રેમનો તહેવાર કહેવાય છે. રક્ષાબંધનનો તહેવાર સમગ્ર ભારતમાં ખૂબ જ ઉત્સાહ અને ધામધૂમથી ઉજવવામાં આવે છે.
રક્ષાબંધન તારીખ
શ્રાવણ મહિનાની સુદ પક્ષની પૂર્ણિમા તિથિ 11 ઓગસ્ટ, ગુરુવારે સવારે 10:38 કલાકથી શરૂ થશે. પૂર્ણિમા તિથિ 12 ઓગસ્ટ, શુક્રવારના 7:05 સુધી રહેશે. રક્ષાબંધનનો તહેવાર 11મી ઓગસ્ટે ઉજવવામાં આવશે.
રક્ષાબંધનનું શુભ મુહૂર્ત
- શ્રાવણ મહિનાની પૂર્ણિમા તિથિએ ભદ્રા થોડો સમય માટે લાગે છે, ભદ્રામાં રાખડી બાંધવામાં આવતી નથી. ભદ્રાનો સમય સવારે 10:38 થી રાત્રે 8:50 સુધીનો રહેશે.
- આયુષ્માન યોગ સવારથી બપોરે 3.32 સુધી છે. આમાં ભદ્રાની અસર ઓછી હોય છે. ભદ્રા પૂંછની શરૂઆત પહેલા રાખડી બાંધી શકાય છે.
- રક્ષાબંધનનો પ્રદોષ મુહૂર્ત રાત્રે 8:51 થી રાત્રે 9:13 સુધીનો છે.
રક્ષા બંધન ભદ્રા કાલ
- રક્ષાબંધન ભદ્રા સમાપ્તિ સમય: 08:51
- રક્ષાબંધન ભદ્રા પૂંછ: સાંજે 05:17 થી સાંજે 06:18
- રક્ષાબંધન ભદ્રા મુખઃ સાંજે 06:18 થી 08:00 વાગ્યા સુધી
ભદ્રા કાળમાં ન કરો શુભ કાર્ય
ભદ્રામાં કોઈ શુભ કાર્ય કરવામાં આવતું નથી, તેથી ભદ્રાના સમયે રક્ષાબંધન બાંધવું યોગ્ય નથી. ઉત્સાહભેર ઉજવાતો રક્ષાબંધનનો તહેવાર શુભ મુહૂર્તમાં જ ઉજવાય છે. તેથી રાખડી બાંધવાના સમયનું ધ્યાન રાખો.
Disclaimer: અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો.
ટોપ સ્ટોરી
ટ્રેન્ડિંગ સમાચાર
