Indian Railways: ટ્રેનમાં વધુ સામાન લઈ જવો પડશે મોંઘો! ફ્લાઈટની જેમ લાગશે ચાર્જ, જાણો નવા નિયમો
AC અને સ્લીપર ક્લાસ માટે મર્યાદા નક્કી: મંત્રી અશ્વિની વૈષ્ણવે સંસદમાં આપી માહિતી, લિમિટ કરતા વધુ લગેજ પર થશે દંડ.
Train luggage rules India: શું તમે ટ્રેનમાં મુસાફરી કરતી વખતે મન ફાવે તેટલો સામાન સાથે લઈ જવાની આદત ધરાવો છો? જો હા, તો હવે તમારે સાવધાન થઈ જવાની જરૂર છે. કેન્દ્રીય રેલવે મંત્રી અશ્વિની વૈષ્ણવે સંસદમાં સ્પષ્ટ કર્યું છે કે વિમાનની જેમ હવે ટ્રેનમાં પણ નિર્ધારિત મર્યાદા કરતા વધુ સામાન લઈ જવા પર મુસાફરોએ વધારાનો ચાર્જ ચૂકવવો પડશે. Indian Railways દ્વારા દરેક ક્લાસ માટે સામાનનું વજન નક્કી કરી દેવામાં આવ્યું છે, જેનું પાલન કરવું અનિવાર્ય છે.
ઘણીવાર મુસાફરો ટ્રેનમાં ક્ષમતા કરતા વધારે સામાન લઈને મુસાફરી કરતા હોય છે, જેના કારણે અન્ય યાત્રીઓને અગવડતા પડે છે. આ મુદ્દે સંસદમાં પૂછાયેલા એક પ્રશ્નના લેખિત જવાબમાં રેલવે મંત્રી અશ્વિની વૈષ્ણવે મહત્વની માહિતી આપી હતી. તેલુગુ દેશમ પાર્ટીના સાંસદ દ્વારા પૂછવામાં આવ્યું હતું કે શું રેલવે પણ એરપોર્ટ જેવા જ લગેજ નિયમો લાગુ કરશે? તેના જવાબમાં મંત્રીએ જણાવ્યું હતું કે હાલમાં કોચની શ્રેણીના આધારે મહત્તમ મર્યાદા નક્કી છે અને જો કોઈ મુસાફર તેનાથી વધુ સામાન લઈ જશે, તો તેની પાસેથી દંડ અથવા એક્સ્ટ્રા ચાર્જ વસૂલવામાં આવશે.
કયા ક્લાસમાં કેટલા કિલો સામાન ફ્રી?
રેલવે મંત્રીએ આપેલી માહિતી મુજબ, અલગ-અલગ શ્રેણી માટે સામાનની મર્યાદા (Luggage Limit) નીચે મુજબ છે:
Sleeper Class: સ્લીપર ક્લાસના મુસાફરો ટિકિટ પર 40 kg સુધીનો સામાન મફતમાં લઈ જઈ શકે છે. જો પેમેન્ટ કરીને લઈ જવો હોય તો મહત્તમ મર્યાદા 80 kg છે.
Second Class: જનરલ અથવા સેકન્ડ ક્લાસમાં 35 kg સામાન ફ્રી છે, જ્યારે ચાર્જ સાથે મહત્તમ 70 kg લઈ જઈ શકાશે.
AC 3-Tier / Chair Car: આ કોચમાં પણ 40 kg સુધીની છૂટ છે, જે તેની મહત્તમ મર્યાદા પણ છે.
AC 2-Tier / First Class: આ મુસાફરો 50 kg સુધીનો સામાન ફ્રીમાં અને મહત્તમ 100 kg સુધીનો સામાન સાથે રાખી શકે છે.
AC First Class: સૌથી વધુ સુવિધા આ ક્લાસમાં છે, જ્યાં 70 kg સામાન મફત અને ચાર્જ સાથે 150 kg સુધી લઈ જવાની છૂટ છે.
સામાનની સાઈઝ અને પ્રતિબંધિત વસ્તુઓ
માત્ર વજન જ નહીં, સામાનના કદ (Dimensions) પર પણ નિયંત્રણો છે. નિયમ મુજબ, પેસેન્જર કોચમાં 100 cm લંબાઈ, 60 cm પહોળાઈ અને 25 cm ઊંચાઈ ધરાવતી સૂટકેસ કે ટ્રંક જ લઈ જઈ શકાશે. જો સામાનનું કદ આ માપ કરતા વધારે હશે, તો તેને પેસેન્જર કોચમાં લઈ જવાની મંજૂરી મળશે નહીં. આવા મોટા સામાનને ફરજિયાતપણે બ્રેક વાન અથવા પાર્સલ વાન (Luggage Van) દ્વારા બુક કરાવીને લઈ જવો પડશે.
ઉપરાંત, મંત્રીએ સ્પષ્ટ કર્યું છે કે કોચની અંદર અંગત સામાન સિવાય કોઈપણ પ્રકારનો 'વાણિજ્યિક માલ' (Commercial Goods) લઈ જવા પર સખત પ્રતિબંધ છે. જો કોઈ મુસાફર નિયમોનો ભંગ કરતા પકડાશે, તો રેલવે એક્ટ મુજબ તેમની સામે દંડનીય કાર્યવાહી કરવામાં આવશે. તેથી હવે ટ્રેન મુસાફરી કરતા પહેલા તમારા લગેજનું વજન અને સાઈઝ ચેક કરી લેવી હિતાવહ છે.
ટોપ સ્ટોરી
ટ્રેન્ડિંગ સમાચાર
