Bilipatra: ભગવાન શંકરને પ્રિય છે બીલીપત્ર, પરંતુ શું ઘરમાં વાવવું જોઈએ તેનું વૃક્ષ

Bilipatra: વાસ્તુ અનુસાર ચતુર્થી, અષ્ટમી, નવમી, ચતુર્દશી અને અમાસ પર બીલીપત્ર તોડવું વર્જિત માનવામાં આવે છે. સોમવારે પણ બીલીપત્ર ન તોડવા જોઈએ.

બીલીપત્ર

Bilipatra:  શ્રાવણ (Shravan) મહાદેવનો સૌથી પ્રિય મહિનો માનવામાં આવે છે અને આ આખા મહિનામાં શિવભક્તો ભગવાન શિવની પૂજા કરે છે. ભગવાન શિવને બીલીપત્ર ખૂબ જ પ્રિય છે અને મહાદેવની પૂજા બીલીપત્ર વિના પૂર્ણ થતી નથી. શ્રાવણમાં સોમવાર વ્રતના દિવસે ભગવાન શિવની પૂજામાં બીલીપત્ર અર્પણ કરવું જોઈએ. પરંતુ સવાલ એ થાય કે શું ઘરમાં બીલીપત્રનું વૃક્ષ વાવવું જોઈએ કે નહીં.

ઘરમાં બીલીપત્રનું વૃક્ષ (Tree of Bilipatra) વાવવા માટે પણ શ્રાવણ માસને યોગ્ય સમય માનવામાં આવે છે. એવું માનવામાં આવે છે કે જે ઘરમાં બીલીપત્રનું ઝાડ હોય છે ત્યાં ભગવાન શિવની કૃપા રહે છે. જો તમે આ વખતે શ્રાવણ મહિનામાં ઘરમાં બીલીનું ઝાડ વાવવા માંગો છો, તો જાણો વાસ્તુશાસ્ત્રમાં ઘરમાં બીલીનું ઝાડ લગાવવા વિશે શું જણાવવામાં આવ્યું છે અને શ્રાવણ મહિનાની વાસ્તુ ટિપ્સ…

બીલીના છોડ વાવવાના વાસ્તુ નિયમો

• ભગવાન શિવની પૂજા માટે તેમનું પ્રિય બીલીનું વૃક્ષ પાંદડાની સાથે સાથે ફળ પણ આપે છે. ઘરમાં બીલીનો છોડ લગાવતી વખતે વાસ્તુના કેટલાક નિયમોનું પાલન કરવું જોઈએ.
• વાસ્તુ અનુસાર બીલીના છોડને હંમેશા ઘરની ઉત્તર કે પશ્ચિમ દિશામાં લગાવવો જોઈએ. આ દિશા બીલીના રોપા વાવવા ફાયદાકારક છે.
• ઘરના આંગણામાં બીલીનો છોડ લગાવવાથી નકારાત્મકતા દૂર થાય છે.
• શ્રાવણ મહિનામાં બીલીના વૃક્ષની પૂજા ખૂબ જ શુભ અને ફળદાયી છે. આ મહિનામાં બીલીના ઝાડની પૂજા કરીને તેના પર લાલ રંગનો કલવો બાંધવાથી કુંડળીમાં રાહુના અશુભ પ્રભાવથી રાહત મળે છે.
• બીલીના ઝાડ પર કાલવો બાંધીને તેને નિયમિત જળ ચઢાવવાથી પિતૃદોષના કારણે આવતી પરેશાનીઓમાંથી મુક્તિ મળે છે.
• વાસ્તુ અનુસાર ચતુર્થી, અષ્ટમી, નવમી, ચતુર્દશી અને અમાવસ્યા પર બીલીપત્ર તોડવું વર્જિત માનવામાં આવે છે. સોમવારે પણ બીલીપત્ર ન તોડવા જોઈએ. સોમવારના વ્રત માટે બીલીપત્ર તોડીને એક દિવસ અગાઉ રાખવું જોઈએ. આનાથી સોમવારે બીલીપત્ર તોડવાના પાપથી બચી શકાય છે.

Disclaimer:અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.