Cars Under Five Lakh: હવે ફક્ત પાંચ લાખ રૂપિયામાં મળશે ટાટાની આ કાર, મળશે 65000 રૂપિયાનું ડિસ્કાઉન્ટ

Cars Under Five Lakh:દેશની સૌથી મોટી કાર ઉત્પાદક કંપનીઓમાંની એક ટાટા મોટર્સે લોકો માટે બમ્પર ડિસ્કાઉન્ટ ઓફર લાવી છે

પ્રતિકાત્મક તસવીર

Discount Offer on Cars September 2024: દેશની સૌથી મોટી કાર ઉત્પાદક કંપનીઓમાંની એક ટાટા મોટર્સે લોકો માટે બમ્પર ડિસ્કાઉન્ટ ઓફર લાવી છે. આ તહેવારોની સીઝનમાં ટાટાની કારની રેન્જ 5 લાખ રૂપિયાની અંદર આવી ગઇ છે.

ટાટાની સૌથી સસ્તી કાર હવે તેનાથી પણ સસ્તી કિંમતે ઉપલબ્ધ છે. સપ્ટેમ્બર 2024માં Tata Tiago પર બમ્પર ડિસ્કાઉન્ટ આપવામાં આવી રહ્યું છે. આ સાથે ટાટા ટિગોર અને ટાટા અલ્ટ્રોઝ પર પણ ઑફર્સ ઉપલબ્ધ છે. આ ઑફર ઑક્ટોબર 2024 ના અંત સુધી માન્ય છે.

ટાટાની કાર પર ડિસ્કાઉન્ટ ઓફર

ટાટા મોટર્સની ICE વેરિઅન્ટ પર 1.80 લાખ રૂપિયાની ઓફર આપવામાં આવી રહી છે. આ સાથે 45 હજાર રૂપિયાનું વધારાનું ડિસ્કાઉન્ટ પણ છે. પરંતુ આ ઓફર નવી કાર ટાટા કર્વ, પંચ, અલ્ટ્રોઝ રેસર અને ઇલેક્ટ્રિક વેરિઅન્ટ્સ પર સામેલ નથી.

Tata Tiago પર ઑફર્સ

Tata Tiagoના XE, XM, XT(O), XT, XZ અને XZ+ વેરિઅન્ટ્સ પર ડિસ્કાઉન્ટ ઑફર આપવામાં આવી રહી છે. આ કારની ખરીદી પર 65 હજાર રૂપિયા બચાવી શકશો. ઓફરને કારણે ટાટા ટિયાગોની શરૂઆતની એક્સ-શોરૂમ કિંમત હવે 5 લાખ રૂપિયા થઈ ગઈ છે.

Tata Tigor પર ઑફર્સ

ટાટા ટિગોરની શરૂઆતની કિંમતમાં પણ ઘટાડો કરવામાં આવ્યો છે. આ કારની કિંમત 6.30 લાખ રૂપિયાથી શરૂ થઈ હતી. હવે આ ફેસ્ટિવ સીઝનમાં આ કારનું બેઝ મોડલ 6 લાખ રૂપિયામાં મળશે. આ કારના અન્ય વેરિઅન્ટ્સ પર પણ ઑફર્સ ઉપલબ્ધ છે.

Tata Altroz ​​પર ઑફર્સ

Tata Altroz ​​પર 15 હજાર રૂપિયાથી લઈને 45 હજાર રૂપિયા સુધીની ડિસ્કાઉન્ટ ઑફર આપવામાં આવી રહી છે. આ કારના બેઝ મૉડલની કિંમતમાં 15 હજાર રૂપિયાનો ઘટાડો થયો છે. જેના કારણે Tata Altrozની શરૂઆતની એક્સ-શોરૂમ કિંમત હવે 6.50 લાખ રૂપિયા થઈ ગઈ છે.

ટાટા પ્રીમિયમ કાર પર ઑફર્સ

ટાટાની પ્રીમિયમ કારમાં સામેલ હેરિયર પર 1.60 લાખ રૂપિયા સુધીના બેનિફિટ્સ આપવામાં આવી રહ્યા છે. પરંતુ આ ઑફર તેના બેઝ વેરિઅન્ટ પર ઉપલબ્ધ નથી, જેના કારણે આ કારની શરૂઆતની કિંમત પર કોઈ અસર થતી નથી. Tata Harrierની એક્સ-શોરૂમ કિંમત 14.99 લાખ રૂપિયાથી શરૂ થાય છે.

ટાટા સફારી પર 1.80 લાખ રૂપિયાના બેનિફિટ્સ આપવામાં આવી રહ્યા છે. આ ઉપરાંત આ કાર પર 45 હજાર રૂપિયાનું વધારાનું ડિસ્કાઉન્ટ પણ ઉપલબ્ધ છે. પરંતુ આ ઑફર આ કારના બેઝ વેરિઅન્ટ પર ઉપલબ્ધ નથી. આ કારની એક્સ-શોરૂમ કિંમત 15.49 લાખ રૂપિયા છે.