ઈથેનોલ ફ્યુઅલથી ગાડીના કયા પાર્ટ્સ સૌથી પહેલા થઈ શકે છે ખરાબ? એક ક્લિકમાં જુઓ આખું લિસ્ટ

Ethanol Fuel Engine Damage: શું ઈથેનોલ પેટ્રોલ તમારી ગાડીને નુકસાન પહોંચાડી રહ્યું છે? જાણો જૂની અને નોન-E20 કારોના એવા કયા 5 જરૂરી પાર્ટ્સ છે, જે ઈથેનોલના કારણે સૌથી પહેલા ખરાબ થઈ શકે છે.

પ્રતિકાત્મક તસવીર

Source : ABP Live

Show Quick Read

Key points generated by AI, verified by newsroom

• ઇથેનોલ મિશ્રિત ઇંધણ વાહન એન્જિનને નુકસાન પહોંચાડવાનો ભય.
• જૂના વાહનોના રબર હોઝ, ફ્યુઅલ લાઇન્સ જલ્દી બગડે.
• ઇથેનોલ ભેજ શોષીને પંપ-ઇન્જેક્ટર્સને કાટ લગાડે છે.
• ગંદકી ફિલ્ટરમાં જમા થઇ એન્જિન પ્રદર્શન બગાડે છે.

Ethanol Fuel Engine Damage: ભારતમાં અત્યારે સૌથી વધુ ચર્ચા ઈથેનોલ ફ્યુઅલને લઈને છે. દેશભરમાં હવે ઈથેનોલ દરેક પંપ પર મળી રહ્યું છે અને આ ફ્યુઅલને લઈને હવે ઘણા પ્રકારની પ્રતિક્રિયાઓ જોવા મળી રહી છે. જણાવી દઈએ કે, દેશમાં પ્રદૂષણ ઓછું કરવા માટે પેટ્રોલમાં આની માત્રા વધારી દેવામાં આવી છે. પરંતુ આ દરમિયાન સોશિયલ મીડિયા અને કાર મિકેનિક્સ વચ્ચે એક નવી ચર્ચા છિડાઈ ગઈ છે કે આ ફ્યુઅલ ગાડીઓના એન્જિનને નુકસાન પહોંચાડી રહ્યું છે.

 

પરંતુ સરકાર આ દાવાઓને અફવા ગણાવે છે જ્યારે ઓટો ઇન્ડસ્ટ્રીનું માનવું છે કે જે ગાડીઓ જૂની છે અથવા E20 કમ્પેટેબલ નથી, તેમના કેટલાક ભાગો પર આની અસર પડી શકે છે. તો ચાલો જાણીએ કે ઈથેનોલ મિક્સ પેટ્રોલથી ગાડીના કયા પાર્ટ્સ સૌથી પહેલા ખરાબ થવાનો ખતરો રહે છે.

રબર હોઝ અને ફ્યુઅલ લાઈન્સ જલ્દી થાય છે ખરાબ

તમને જણાવી દઈએ કે, ઈથેનોલમાં એક કુદરતી ગુણ હોય છે અને તે રબર અને કેટલાક ખાસ પ્રકારના પ્લાસ્ટિકને ધીમે-ધીમે ઓગાળવા કે સખત કરવા લાગે છે. જૂની ગાડીઓમાં ઇંધણને ટેન્કમાંથી એન્જિન સુધી પહોંચાડવા માટે જે રબર હોઝ અને પ્લાસ્ટિક પાઇપ્સનો ઉપયોગ થાય છે, તે આ ફ્યુઅલ માટે બન્યા ન હતા.

જ્યારે ઈથેનોલના સતત સંપર્કમાં રહેવાથી આ રબરના પાઇપ કડક થઈને તૂટવા લાગે છે. આનાથી ફ્યુઅલ લીક થવાનો ખતરો વધી જાય છે અને ગાડીમાં આગ લાગવા જેવી ગંભીર સમસ્યા પણ થઈ શકે છે.

ફ્યુઅલ પંપ અને ઇન્જેક્ટર્સ પર પડે છે અસર

તમે સાંભળ્યું જ હશે કે ઈથેનોલની સૌથી મોટી ખામી એ છે કે તે હવામાંથી ભેજ એટલે કે પાણીને ખૂબ જ ઝડપથી સોષી લે છે. જ્યારે ગાડીના ફ્યુઅલ ટેન્કમાં પાણીની માત્રા વધે છે ત્યારે તે ઇંધણ પ્રણાલીના મેટલ પાર્ટ્સમાં કાટ લગાડવા લાગે છે.

જેના કારણે આની સીધી અસર ગાડીના મોંઘા ફ્યુઅલ પંપ અને ફ્યુઅલ ઇન્જેક્ટર્સ પર પડે છે. કાટના નાના-નાના કણો ઇન્જેક્ટર્સના બારીક છિદ્રોને બંધ કરી દે છે, જેથી એન્જિનને યોગ્ય માત્રામાં તેલ મળતું નથી. આના કારણે ગાડી ચાલતા-ચાલતા ઝટકા મારવા લાગે છે.

ફ્યુઅલ ફિલ્ટર પણ થઈ જાય છે બ્લોક

જણાવી દઈએ કે, ઈથેનોલ એક ઉત્તમ સોલ્વન્ટ માનવામાં આવે છે. તેથી તે ટેન્કની અંદર વર્ષોથી જામી ગયેલી ગંદકી અને કચરાને પીગળાવી દે છે. આ બધો છૂટો પડેલો કચરો સીધો ફ્યુઅલ ફિલ્ટરમાં જઈને જમા થઈ જાય છે.

જેનાથી ફિલ્ટર ખૂબ જ જલ્દી ચોક એટલે કે બ્લોક થઈ જાય છે. આ સિવાય ભેજ અને કચરાના કારણે એન્જિનના સિલિન્ડર અને ઇનટેક વાલ્વ્સ પર કાર્બનનું પડ જામવા લાગે છે, જેનાથી ગાડીનું પિકઅપ અને માઇલેજ બંને ખૂબ જ ખરાબ રીતે પ્રભાવિત થાય છે.

આ પણ વાંચો

Flex Fuel: કેવી રીતે કામ કરે છે ફ્લેક્સ ફ્યૂઅલ ટેકનોલોજી, શું આ CNG થી પણ ઓછું કરે છે પ્રદૂષણ ?

પેટ્રોલ કેટલું એથનોલ મિશ્રિત છે? આ સરળ રીતોથી જાતે જ કરો તપાસ, નહીં તો એન્જિનને થઈ શકે નુકસાન