EV Scooter માં લાગી શકે છે આગ, Charging સમયે ન કરો આ 5 ભૂલો

EV Scooter: આપણા દેશમાં હવે ઈલેક્ટ્રિક સ્કૂટર્સની ડિમાન્ડ વધી ગઈ છે. કારણ કે, પેટ્રોલના વધતા જતા ભાવને જોતા હવે ભારતીય ગ્રાહકો EV તરફ શિફ્ટ થઈ રહ્યા છે.

ઈલેક્ટ્રિક સ્કૂટર

Source : freepik

Show Quick Read

Key points generated by AI, verified by newsroom

• ઘરે EV ચાર્જ કરતા સાવચેતી, આગ/શોર્ટ સર્કિટ જોખમ.
• નબળા સોકેટ, બેકાર એક્સ્ટેન્શન વાયરથી ઓવરહિટિંગ થાય.
• ઓવરચાર્જિંગ બેટરી સેલ બગાડે, થર્મલ રનઅવે કરાવે છે.
• ગરમ જગ્યા, ડુપ્લિકેટ ચાર્જર ટાળો, મૂળ વાપરો.

EV Scooter: આપણા દેશમાં હવે ઈલેક્ટ્રિક સ્કૂટર્સની ડિમાન્ડ વધી ગઈ છે. કારણ કે, પેટ્રોલના વધતા જતા ભાવને જોતા હવે ભારતીય ગ્રાહકો EV તરફ શિફ્ટ થઈ રહ્યા છે. પરંતુ એવું જોવામાં આવે છે કે, મોટાભાગના ઈવી માલિકો પોતાના સ્કૂટરને ઘરે જ પોર્ટેબલ ચાર્જરની મદદથી ચાર્જ કરવાનું પસંદ કરે છે. ઘરે ચાર્જિંગ અત્યંત સરળ અને સુવિધાજનક તો છે પરંતુ થોડીક બેદરકારી એક બહુ મોટા અકસ્માતનું કારણ બની શકે છે.

 

કારણ કે, તાજેતરના દિવસોમાં ચાર્જિંગ દરમિયાન ઈલેક્ટ્રિક વાહનોની બેટરીમાં અચાનક આગ લાગવાની કે શોર્ટ સર્કિટ થવાની ઘણી ઘટનાઓ સામે આવી છે. જેના કારણે ઘરે કોઈ પણ નોર્મલ સર્કિટમાં EV ને ચાર્જ કરવું યોગ્ય માનવામાં આવતું નથી. જો તમે પણ તમારા ઘરે કે ગેરેજમાં ઈ-સ્કૂટર ચાર્જ કરો છો તો સુરક્ષાની દ્રષ્ટિએ તમારા માટે સાવચેત રહેવું અત્યંત જરૂરી છે. ચાલો જાણીએ ચાર્જિંગ દરમિયાન કરવામાં આવતી તે 5 મોટી ભૂલો વિશે જે આખા ઘરમાં આગ લાગવાનો ખતરો ઊભો કરી શકે છે.

નબળા બોર્ડનો ઉપયોગ

આપને જણાવી દઈએ કે, ઈલેક્ટ્રિક સ્કૂટરને ચાર્જ કરવા માટે ખૂબ જ વધારે વીજળીની જરૂરિયાત હોય છે. ઘણા લોકો તેને ઘરના સાધારણ 5A વાળા લોકલ સોકેટ અથવા ખરાબ ક્વોલિટી વાળા બોર્ડમાં પ્લગ-ઈન કરી દે છે. આટલો ભારે ઈલેક્ટ્રિક લોડ સહન ન કરી શકવાના કારણે સોકેટ ઓવરહીટ થઈને પીગળવા લાગે છે અને શોર્ટ-સર્કિટના કારણે આગ લાગી જાય છે. ઈવી ચાર્જ કરવા માટે હંમેશા ઘરમાં 15A અથવા 16A નું હેવી-ડ્યુટી પાવર સોકેટ જ વાપરવું જોઈએ. જો તમે આવું કરો છો તો ક્યારેય કોઈ સમસ્યા નહીં આવે.

બેકાર ક્વોલિટીની એક્સ્ટેન્શન વાપરવી

ત્યાં જ, ચાર્જિંગ કરતી વખતે જો તમારો પાવર પ્લગ સ્કૂટર સુધી નથી પહોંચી રહ્યો તો વિચાર્યા વગર ઘરમાં પડેલા સાધારણ એક્સ્ટેન્શન બોર્ડનો ઉપયોગ ન કરો. નોર્મલ એક્સ્ટેન્શન વાયર સતત મળતા હાઈ કરંટને સહન નથી કરી શકતા અને તે અંદરને અંદર બળવા લાગે છે. જો એક્સ્ટેન્શન લગાવવું અત્યંત જરૂરી હોય તો માત્ર હેવી-ડ્યુટી અને આઈએસઆઈ (ISI) માર્ક વાળા સર્ટિફાઈડ વાયરનો જ ઉપયોગ કરો. જેનાથી જોખમ ખૂબ ઘટી જાય છે.

ઓવરચાર્જિંગ કરવાની બેદરકારી ન કરો

અવારનવાર એ પણ જોવામાં આવે છે કે, લોકો રાત્રે સૂતી વખતે સ્કૂટરને ચાર્જ પર લગાવી દે છે અને સવાર સુધી પ્લગ ઓન છોડી દે છે. જોકે, આધુનિક ચાર્જર ઓટો કટ-ઓફ ફીચર સાથે આવે છે પરંતુ રાત્રિના સમયે વોલ્ટેજમાં થતા ઉતાર-ચઢાવ અથવા ચાર્જર અતિશય ગરમ થવાથી બેટરીના સેલ્સ ડેમેજ થઈ શકે છે. બેટરી ઓવરહીટ થઈને થર્મલ રનઅવેનો શિકાર બની શકે છે એટલા માટે 100% ચાર્જ થતાં જ સ્વિચ બંધ કરી દેવી જોઈએ. આનાથી તમારા સ્કૂટરની બેટરી વધુ દિવસો સુધી ચાલે છે.

ડુપ્લિકેટ ચાર્જરનો ખતરો

આપને જણાવી દઈએ કે, ઈ-સ્કૂટરને ક્યારેય સીધા તડકામાં કે અતિશય ગરમ જગ્યા પર ચાર્જ ન કરો કારણ કે ચાર્જિંગ દરમિયાન બેટરી પોતે ગરમ થાય છે અને બહારનું તાપમાન તેને ખતરનાક સ્તર સુધી પહોંચાડી શકે છે.

જ્યારે આ સિવાય ક્યારેય સસ્તું કે ડુપ્લિકેટ ચાર્જર ન ખરીદો. ડુપ્લિકેટ ચાર્જરમાં પ્રોપર વોલ્ટેજ રેગ્યુલેશન નથી હોતું જેનાથી લિથિયમ-આયન બેટરીમાં બ્લાસ્ટ કે આગ લાગી શકે છે. હંમેશા કંપનીના ઓરિજિનલ ચાર્જરનો જ ઉપયોગ કરો. જો તમે આ બધી વાતોનું ધ્યાન રાખો છો તો તમને EV ચાર્જ કરવામાં કોઈ મુશ્કેલી નથી આવતી.

આ પણ વાંચો

ભારતમાં સૌથી વધુ માઇલેજ આપતી ટોચની 5 SUV; પેટ્રોલ-ડીઝલના વધતા ભાવ વચ્ચે બેસ્ટ ઓપ્શન

Maruti Fronx hybrid નવા અવતારમાં થશે લોન્ચ: મળશે 35 KMPL થી વધુ માઇલેજ અને ADAS