Mahindra Bolero: મહિન્દ્રા કરી રહ્યું છે ન્યૂ જનરેશન બોલેરો લાવવાની તૈયારી, જાણો કેવા હશે ફિચર્સ
Mahindra Bolero: કોડનામ U171, ન્યૂ જનરેશન મહિન્દ્રા બોલેરોમાં ઘણી સુધારેલી ડિઝાઇન, ઈન્ટિરિયર અને નવું ટર્બો ડીઝલ એન્જિન આવવાની અપેક્ષા છે. કેટલાક અહેવાલો અનુસાર, SUV નવા 2.2L ટર્બો ડીઝલ એન્જિન સાથે આવી શકે છે.
New Mahindra Bolero: મહિન્દ્રા એન્ડ મહિન્દ્રા પાસે ભારતીય બજાર માટે એગ્રેસિવ પ્રોડક્ટ સ્ટ્રેટજી છે. કંપની પાસે આગામી 5-6 વર્ષમાં બજારમાં લોન્ચ કરવા માટે ઘણા નવા મોડલ તૈયાર છે જેમાં SUV અને EVનો સમાવેશ થાય છે. મહિન્દ્રા બોલેરો એ મોડલ પૈકીનું એક છે જે ઈલેક્ટ્રિક પાવરટ્રેન સાથે જનરેશનલ અપડેટ માટે સેટ છે. જ્યારે ICE મોડલ 2026 સુધીમાં શોરૂમમાં આવશે અને બોલેરો EV 2030 સુધીમાં માર્કેટમાં આવશે.
નવું એન્જિન મળશે
કોડનેમ U171, ન્યૂ જનરેશન મહિન્દ્રા બોલેરોમાં ઘણી સુધારેલી ડિઝાઇન, ઈન્ટિરિયર અને નવું ટર્બો ડીઝલ એન્જિન હોવાની અપેક્ષા છે. કેટલાક અહેવાલો અનુસાર, SUV નવા 2.2L ટર્બો ડીઝલ એન્જિન સાથે આવી શકે છે, જે 132bhpનો મહત્તમ પાવર અને 320Nmનો ટોર્ક જનરેટ કરી શકે છે. આ ઓઈલ બર્નર એન્જિન થારમાં પણ ઉપલબ્ધ છે. નવી બોલેરો 1.5L ટર્બો ડીઝલ એન્જિનના વિકલ્પ સાથે પણ આવશે, જે Marazzo MPVમાંથી લેવામાં આવી છે.
ન્યૂ જનરેશન બોલેરો ફીચર્સ
નવી બોલેરોને અનેક સિટિંગ કોન્ફિગરેશન સાથે પણ ઓફર કરી શકાય છે અને આ SUV પહેલા કરતાં વધુ સુરક્ષિત હશે, કારણ કે તેમાં ડ્યુઅલ એરબેગ્સ, વ્હિકલ રિવર્સ પાર્કિંગ સેન્સર, EBD સાથે ABS, સ્પીડ એલર્ટ સિસ્ટમ, ડ્રાઈવર અને કો-ડ્રાઈવર સીટ બેલ્ટ રિમાઇન્ડર અને સેન્ટ્રલ લોકીંગ સિસ્ટમ માટે મેન્યુઅલ ઓવરરાઇડ જેવી સુવિધાઓ પ્રમાણભૂત તરીકે આપી શકાય છે. ફીચર્સ વિશે વાત કરીએ તો, બોલેરોને ટચસ્ક્રીન ઇન્ફોટેનમેન્ટ સિસ્ટમ, પાવર વિન્ડોઝ, રીઅર એસી વેન્ટ સાથેનું નવું એસી યુનિટ, મલ્ટી-ફંક્શનલ ઇન્સ્ટ્રુમેન્ટ કન્સોલ વગેરે મળવાની અપેક્ષા છે.
કેવી હશે Mahindra Bolero EV?
Mahindra Bolero EV વિશે હજુ વધુ માહિતી ઉપલબ્ધ નથી. જો કે, તે તદ્દન નવા ઇલેક્ટ્રિક INGLO સ્કેટબોર્ડ પ્લેટફોર્મ પર આધારિત હોવાની શક્યતા છે - કોડનેમ P1. જેનું પૂર્વાવલોકન Thar.E કોન્સેપ્ટ સાથે પણ કરવામાં આવ્યું છે અને તે 2,775mm અને 2,975mm વચ્ચે વ્હીલબેઝને સપોર્ટ કરે છે. જ્યારે વર્તમાન પેઢીની બોલેરો SUV 2,680mmના વ્હીલબેઝ સાથે આવે છે.
મહિન્દ્રા બોલેરો ઇવી પાવરટ્રેન
પ્લેટફોર્મ સિવાય, બોલેરો EV તેની પાવરટ્રેન Thar.E કોન્સેપ્ટ સાથે શેર કરી શકે છે, જે 109bhp/135Nm ફ્રન્ટ મોટર અને 286bhp/535Nm રિયર મોટરથી સજ્જ હતી. બેટરી વિશે હજુ સુધી વિગતો જાહેર કરવામાં આવી નથી. જોકે, મહિન્દ્રાએ પુષ્ટિ કરી હતી કે તેનું નવું INGLO પ્લેટફોર્મ 60kWh - 80kWh ની ક્ષમતાવાળા બેટરી પેકને સમાવી શકે છે, જે અનુક્રમે લગભગ 325km અને 435km-450kmની ઇલેક્ટ્રિક રેન્જ પ્રદાન કરવામાં સક્ષમ હશે.
ટોપ સ્ટોરી
ટ્રેન્ડિંગ સમાચાર
