Maruti Price Hike: કાલથી મારુતિની કાર ખરીદવી પડશે મોંઘી, બ્રેઝાથી લઈને ડિઝાયરના ભાવમાં થશે તોતિંગ વધારો

જો તમે નવી કાર ખરીદવાનું વિચારી રહ્યા છો, તો 1 જૂન પહેલા બુકિંગ કરાવી લેજો. કાચા માલના વધતા ભાવને કારણે કંપનીએ પોતાની પોપ્યુલર કારના ભાવ 30,000 રૂપિયા સુધી વધારવાનો નિર્ણય લીધો છે.

maruti suzuki car price hike june 2026 brezza swift costlier

Source : ai

Show Quick Read

Key points generated by AI, verified by newsroom

• ૧ જૂન, ૨૦૨૪ થી મારુતિ સુઝુકીની કારો મોંઘી થશે.
• ઉત્પાદન ખર્ચ અને કાચા માલના ભાવ વધારાને કારણે ભાવ વધારો.
• અલ્ટો K10, વેગનઆર, સ્વિફ્ટ, ડિઝાયર, બ્રેઝાના ભાવમાં વધારો.
• ગ્રાહકોને જૂન પહેલાં કાર બુક કરાવવાની સલાહ અપાઈ.

Maruti Suzuki Price Hike: જો તમે નજીકના ભવિષ્યમાં નવી કાર ખરીદવાનું સપનું જોઈ રહ્યા છો, તો તમારે થોડી ઉતાવળ કરવી પડશે. દેશની સૌથી મોટી કાર કંપની મારુતિ સુઝુકીએ 1 જૂન 2026 થી તેની ઘણી પોપ્યુલર કારના ભાવમાં વધારો કરવાની જાહેરાત કરી છે. કંપનીનું કહેવું છે કે કાર બનાવવાનો ખર્ચ અને કાચા માલના ભાવ વધવાથી આ નિર્ણય લેવાયો છે. એટલે જો તમે મે મહિનાના અંત સુધીમાં કાર બુક નહીં કરાવો, તો જૂન મહિનાથી તમારે એ જ કાર માટે વધારે પૈસા ચૂકવવા પડશે અને તમારું બજેટ ખોરવાઈ શકે છે.

આ પોપ્યુલર કાર થશે મોંઘી

મારુતિની અમુક એવી કારો છે જે મિડલ ક્લાસમાં બહુ ફેમસ છે, અને તેના પર જ આ ભાવ વધારાની સૌથી વધુ અસર થવાની છે. આ લિસ્ટમાં મારુતિ સુઝુકી અલ્ટો K10, વેગનઆર, સ્વિફ્ટ, ડિઝાયર અને બ્રેઝા જેવી કાર સામેલ છે. કઈ કાર પર કેટલો ભાવ વધશે, તે મોડેલ અને તેના વેરિઅન્ટ પર આધાર રાખે છે. અમુક કારના ભાવમાં થોડા હજાર રૂપિયાનો વધારો થશે, તો અમુક મોડેલ સીધા 30,000 રૂપિયા સુધી મોંઘા થઈ શકે છે.

ગ્રાહકોના ખિસ્સા પર કેવી પડશે અસર?

બજેટ કાર ખરીદનારા ગ્રાહકોને આ વધારો સીધી રીતે અસર કરશે. અલ્ટો K10 અને વેગનઆર જેવી ફેમિલી કાર ખરીદવી હવે પહેલી વાર કાર લેનારાઓ માટે થોડી મોંઘી પડશે. જોકે કંપનીએ દિલાસો આપતા કહ્યું છે કે, ખર્ચનો પૂરેપૂરો બોજ ગ્રાહકો પર નથી નાખવામાં આવ્યો, અમુક હિસ્સો કંપની પોતે પણ ઉઠાવી રહી છે. આ ઉપરાંત, સ્ટાઇલિશ ડિઝાઇન, શાનદાર ફીચર્સ અને સારા માઇલેજ માટે લોકોની ફેવરિટ બનેલી બ્રેઝા SUV તેમજ લાંબા સમયથી માર્કેટમાં ધૂમ મચાવી રહેલી સ્વિફ્ટ અને ડિઝાયરના ભાવ પણ હવે વધી જશે.

આ પણ વાંચોઃ શું કારમાં ફૂલ AC ચલાવવાથી માઈલેજ ઘટે છે? જાણો ઇંધણ બચાવવાની સ્માર્ટ અને સરળ રીતો

કંપનીએ ભાવ વધારા પાછળ શું કારણ આપ્યું?

ઓટોમોબાઇલ સેક્ટરમાં ભાવ વધવા એ કોઈ નવી વાત નથી. જ્યારે સ્ટીલ, એલ્યુમિનિયમ, પ્લાસ્ટિક, ઇલેક્ટ્રોનિક પાર્ટ્સ અને અન્ય કાચા માલના ભાવ વધે છે, ત્યારે કંપનીઓ પાસે કારનું પ્રોડક્શન કોસ્ટ સરભર કરવા કિંમત વધારવા સિવાય કોઈ ઓપ્શન રહેતો નથી. મારુતિ સુઝુકીનું કહેવું છે કે છેલ્લા કેટલાક મહિનાઓમાં ઉત્પાદન ખર્ચમાં નોંધપાત્ર વધારો થયો હોવાથી આ પગલું ભરવું પડ્યું છે.

આથી જ, જો કોઈ ગ્રાહક જૂન પછી કાર ખરીદવા જશે તો તેને પહેલા કરતા વધારે કિંમત ચૂકવવી પડશે. આ જ કારણ છે કે સમજદાર ગ્રાહકો ભાવ વધારો લાગુ થાય તે પહેલાં જ પોતાની મનપસંદ કાર બુક કરાવવાની ઉતાવળ કરી રહ્યા છે.

આ પણ વાંચોઃ નવી કાર ખરીદવી છે? જાણી લો CNG, હાઇબ્રિડ કે પેટ્રોલ-ડીઝલમાંથી કઈ કાર સૌથી સસ્તી પડશે?