MG Comet EV: માત્ર 30 હજારના પગારમાં ઘરે લાવો દેશની સૌથી સસ્તી ઇલેક્ટ્રિક કાર, જાણો EMI અને ફાઇનાન્સ પ્લાન
MG Comet EV on EMI: જો તમે MG Comet EV ખરીદવાનું આયોજન કરી રહ્યા છો, તો એ જાણવું મહત્વપૂર્ણ છે કે તમારે માસિક કેટલો હપ્તો અને કેટલું ડાઉનપેમેન્ટ ચૂકવવું પડશે. ચાલો વિગતો જાણીએ.
MG Comet EV on EMI: દેશની સૌથી સસ્તી ઇલેક્ટ્રિક કાર MG Comet EV હવે પહેલા કરતા વધુ સેફ અને ફીચર-લોડેડ બની ગઈ છે. 7.49 લાખ રૂપિયા (એક્સ-શોરૂમ) ની શરૂઆતી કિંમતવાળી આ ઇલેક્ટ્રિક કાર ઓછા બજેટમાં EV ખરીદનારાઓ માટે ઉત્તમ વિકલ્પ છે. જો તમે મહિનામાં 30 હજાર રૂપિયા કમાતા હોવ, તો પણ તમે MG Comet EV ને EMI પર સરળતાથી ખરીદી શકો છો. ચાલો આ ગાડીની ઓન-રોડ કિંમત, EMI અને ફાઇનાન્સ પ્લાન વિશે વિગતવાર જાણીએ.
શું રહેશે EMI અને કિંમતનું ગણિત?
નવી MG Comet EV ની ઓન-રોડ કિંમત અંદાજે 7.82 લાખ રૂપિયાથી શરૂ થાય છે. જો તમે 1 લાખ રૂપિયાનું ડાઉન પેમેન્ટ કરો છો, તો તમારે 6.82 લાખ રૂપિયાની લોન લેવી પડશે. આ લોનનો વ્યાજ દર અંદાજિત 9.8% પ્રતિ વર્ષ રહેશે અને તેને ચૂકવવાની અવધિ 5 વર્ષની હશે. આ ગણતરી મુજબ, તમારે દર મહિને 14,425 રૂપિયાની EMI ભરવી પડશે. કુલ મળીને, 5 વર્ષમાં તમારું કુલ પેમેન્ટ લગભગ 8.65 લાખ રૂપિયા થશે, જેમાં મૂળ લોનની રકમ અને વ્યાજ બંને સામેલ છે. જોકે, અલગ-અલગ શહેરોમાં MG Comet EV ની ઓન-રોડ કિંમતમાં થોડો તફાવત હોઈ શકે છે.
તો બીજી તરફ તેમની નજીકની પ્રતિસ્પર્ધી વિશે વાત કરીએ ટાટા મોટર્સની લોકપ્રિય 2026 Tata Punch EV હવે BaaS (Battery as a Service) પ્રોગ્રામ હેઠળ માત્ર 6.49 lakh રૂપિયાની શરૂઆતી કિંમતે ઉપલબ્ધ છે. આ પ્રોગ્રામ હેઠળ ગ્રાહકોએ બેટરીના ખર્ચ પેટે પ્રતિ કિલોમીટર 2.60 રૂપિયા ચૂકવવા પડશે. જો કોઈ ગ્રાહક બેટરી અને વાહન બંનેની કિંમત સહિતની પૂરેપૂરી રકમ ચૂકવીને કાર ખરીદવા માંગતા હોય, તો Tata Punch EV ની કિંમત 9.69 lakh થી 12.59 lakh રૂપિયા (એક્સ-શોરૂમ) ની વચ્ચે રહેશે.
તો બીજી તરફ, MG Comet EV ની વાત કરીએ તો, જો તેને BaaS પ્રોગ્રામ હેઠળ ખરીદવામાં આવે તો તેની કિંમત 4.99 lakh થી 7.63 lakh રૂપિયા (એક્સ-શોરૂમ) ની વચ્ચે છે. આ નાની ઇલેક્ટ્રિક કાર માટે ગ્રાહકોએ પ્રતિ કિલોમીટર 3.20 રૂપિયાનું બેટરી રેન્ટલ ચૂકવવું પડશે. જો તમે MG Comet EV ને પૂરેપૂરી કિંમત ચૂકવીને ખરીદવા માંગો છો, તો તેની કિંમત 7.82 લાખથી 10 લાખ રૂપિયા (એક્સ-શોરૂમ) ની વચ્ચે રહેશે.
MG Comet EV ના શાનદાર ફીચર્સ
MG Comet EV ફીચર્સ અને પરફોર્મન્સની બાબતમાં પણ ઘણી શાનદાર છે. આ એક કોમ્પેક્ટ 4-સીટર ઇલેક્ટ્રિક કાર છે, જેને ખાસ કરીને શહેરોમાં ચલાવવા માટે ડિઝાઇન કરવામાં આવી છે. તેમાં 17.3 kWh ની લિથિયમ-આયન બેટરી આપવામાં આવી છે, જે એકવાર ચાર્જ કરવા પર 230 કિમી સુધી ચાલે છે. આ કાર AC ફાસ્ટ ચાર્જિંગ સપોર્ટ સાથે આવે છે.
ગાડીની સેફ્ટી અને ટેકનોલોજી
સેફ્ટી અને ટેકનોલોજીની દૃષ્ટિએ આ કાર ડ્યુઅલ એરબેગ્સ અને રિયર પાર્કિંગ કેમેરાથી સજ્જ છે. તેમાં પાવર-ફોલ્ડિંગ ORVMs, ઇલેક્ટ્રોનિક પાર્કિંગ બ્રેક અને ડિસ્ક બ્રેક્સની સાથે ABS + EBD જેવી સુવિધાઓ પણ આપવામાં આવી છે, જે તેને વધુ સુરક્ષિત બનાવે છે.
ટોપ સ્ટોરી
ટ્રેન્ડિંગ સમાચાર
