11 લાખની આ કારે નવેમ્બરમાં મચાવી ધમાલ, વેચાણના મામલામાં બની નંબર-1, Nexon-Brezza ને પછાડી
Top Selling SUVs in November 2024: Tata Nexon યાદીમાં ત્રીજા નંબર પર છે. કંપનીએ નવેમ્બર 2024માં 15 હજાર 329 યૂનિટનું વેચાણ કર્યું છે
Top Selling SUVs in November 2024: દર મહિને SUV સેગમેન્ટમાં લાખો વાહનોનું વેચાણ થાય છે. એવી કેટલીક SUV છે જે વેચાણમાં રેકોર્ડ તોડી નાખે છે. Hyundai Creta પણ આમાંથી એક છે. આ SUV એ પોતાનું વર્ચસ્વ જાળવી રાખ્યું છે અને વેચાણની દ્રષ્ટિએ ટોપ-1 સ્થાન હાંસલ કર્યું છે.
ગયા મહિને એટલે કે નવેમ્બર 2024માં હ્યૂન્ડાઈ ક્રેટાએ કુલ 15 હજાર 452 યૂનિટ્સનું વેચાણ કર્યું હતું, જે ગયા વર્ષે આ જ મહિનામાં 11 હજાર 814 યૂનિટ હતું. આ રીતે ક્રેટાએ ગયા વર્ષની સરખામણીમાં 31 ટકાની જબરદસ્ત વૃદ્ધિ હાંસલ કરી છે.
કઇ-કઇ SUVs નું વેચાણ થયું સૌથી વધુ ?
વેચાણની દ્રષ્ટિએ બીજા સ્થાને ટાટા પંચનું છે, જેમાંથી ગયા મહિને કુલ 15 હજાર 435 યૂનિટ્સનું વેચાણ થયું હતું. નવેમ્બર 2023ના વેચાણની વાત કરીએ તો તે 14 હજાર 383 યૂનિટ હતું. આ રીતે ટાટા પંચે એકંદરે 7 ટકાની નજીવી વૃદ્ધિ હાંસલ કરી છે.
Tata Nexon યાદીમાં ત્રીજા નંબર પર છે. કંપનીએ નવેમ્બર 2024માં 15 હજાર 329 યૂનિટનું વેચાણ કર્યું છે, જે ગયા વર્ષે આ જ મહિનામાં 14 હજાર 916 યૂનિટ હતું.
ચોથા નંબર પર મારુતિ સુઝુકી બ્રેઝા છે, જેના વેચાણમાં ઉછાળો જોવા મળ્યો છે. ગયા મહિને બ્રેઝાના કુલ 14 હજાર 918 યૂનિટ્સનું વેચાણ થયું હતું, જે નવેમ્બર 2023માં વેચાયેલા યૂનિટ્સ કરતાં 11 ટકા વધુ છે.
આ સિવાય પાંચમા નંબર પર મારુતિ સુઝુકી ફ્રૉન્ક્સ છે, જે ગેમચેન્જર SUV સાબિત થઈ છે. ગયા વર્ષે નવેમ્બર મહિનામાં ફ્રેન્કસે 14 હજાર 882 યૂનિટ વેચ્યા હતા.
હ્યૂન્ડાઇ ક્રેટાની પાવરટ્રેન
સૌથી વધુ વેચાતી Hyundai Creta ત્રણ 1.5-લિટર એન્જિન વેરિઅન્ટ સાથે બજારમાં ઉપલબ્ધ છે. આ કારમાં કુદરતી રીતે એસ્પિરેટેડ પેટ્રોલ એન્જિન, ટર્બોચાર્જ્ડ પેટ્રોલ એન્જિન અને ડીઝલ એન્જિનનો વિકલ્પ છે. સુધારેલ ક્રેટામાં 6-સ્પીડ મેન્યુઅલ, ઇન્ટેલિજન્ટ વેરિયેબલ ટ્રાન્સમિશન (IVT), 7-સ્પીડ ડ્યુઅલ ક્લચ ટ્રાન્સમિશન (DCT) અને 6-સ્પીડ ટોર્ક કન્વર્ટર ઓટોમેટિક ટ્રાન્સમિશનના વિકલ્પો છે.
હ્યૂન્ડાઇ ક્રેટાની કિંમત
હ્યૂન્ડાઈ ક્રેટામાં ADAS, 6 એરબેગ્સ, બ્લાઈન્ડ વ્યૂ મૉનિટર, 360-ડિગ્રી કેમેરા, ટાયર પ્રેશર મૉનિટરિંગ સિસ્ટમ, ઓટો હોલ્ડ સાથે ઈલેક્ટ્રોનિક પાર્કિંગ બ્રેક અને વધારાની સુરક્ષા સુવિધાઓ પણ છે. Hyundai Cretaની એક્સ-શોરૂમ કિંમત 13.24 લાખ રૂપિયાથી શરૂ થાય છે અને 24.37 લાખ રૂપિયા સુધી જાય છે.
આ પણ વાંચો
Royal Enfieldની આ બાઇકનો વધ્યો ક્રેઝ, ખરીદવા માટે લોકો લગાવી રહ્યાં છે લાઇનો, વિદેશમાં પણ હીટ
ટોપ સ્ટોરી
ટ્રેન્ડિંગ સમાચાર
