2 લાખ રૂપિયા ડાઉન પેમેન્ટ આપીને ખરીદશો Tata Nexon, તો દર મહિને કેટલી ભરવી પડશે EMI?

Tata Nexon EMI Calculator: ભારતમાં ટાટા મોટર્સના વાહનોનું વેચાણ ઝડપથી વધી રહ્યું છે અને આગામી સમયમાં ઓટોમોબાઈલ માર્કેટમાં તેનો ક્રેઝ વધુ જોવા મળી શકે છે, કારણ કે લોકો ટાટાની સુરક્ષિત ગાડીઓ પર ભરોસો મૂકી રહ્યા છે.

ટાટા નેક્સન

Source : twitter

Show Quick Read

Key points generated by AI, verified by newsroom

• ટાટા નેક્સન સ્માર્ટ પેટ્રોલની ઓન-રોડ કિંમત 8.28 લાખ.
• 2 લાખ ડાઉનપેમેન્ટ બાદ 6.28 લાખની લોન ઉપલબ્ધ.
• 7 વર્ષ માટે માસિક EMI 10,111 રૂપિયા ચૂકવવા પડશે.
• 5 વર્ષ EMI 13,036; સારો સિબિલ સ્કોર વ્યાજ ઘટાડશે.

Tata Nexon EMI Calculator: ભારતમાં ટાટા મોટર્સના વાહનોનું વેચાણ ઝડપથી વધી રહ્યું છે અને આગામી સમયમાં ઓટોમોબાઈલ માર્કેટમાં તેનો ક્રેઝ વધુ જોવા મળી શકે છે, કારણ કે લોકો ટાટાની સુરક્ષિત ગાડીઓ પર ભરોસો મૂકી રહ્યા છે. ભારતીય બજારમાં જ્યારે પણ સુરક્ષિત, મજબૂત અને ફીચર્સથી ભરપૂર કોમ્પેક્ટ SUV ખરીદવાની વાત આવે છે ત્યારે ટાટા નેક્સનનું નામ સૌથી ઉપર આવે છે. 5-સ્ટાર સેફ્ટી રેટિંગ ધરાવતી આ કાર પોતાના સેગમેન્ટમાં સૌથી વધુ વેચાતી ગાડીઓમાંથી એક છે. ઘણા લોકો આ કાર ખરીદવા ઈચ્છે છે પરંતુ એકસાથે રોકડ રકમ ચૂકવવી દરેકના બજેટમાં હોતી નથી. જો તમે પણ તહેવારોની સિઝનમાં કે આગામી દિવસોમાં તમારી પહેલી SUV તરીકે ટાટા નેક્સનનું બેઝ વેરિઅન્ટ ખરીદવાનું આયોજન કરી રહ્યા હોવ તો માત્ર 2 લાખ રૂપિયાનું ડાઉન પેમેન્ટ કરીને તેને ઘરે લાવી શકો છો.

 

ટાટા નેક્સનનું સૌથી શરૂઆતી એટલે કે બેઝ વેરિઅન્ટ 'સ્માર્ટ પેટ્રોલ' ના નામે ઓળખાય છે, જેની એક્સ-શોરૂમ કિંમત ભારતીય બજારમાં લગભગ 7.37 લાખ રૂપિયાથી શરૂ થાય છે. કારને શોરૂમમાંથી બહાર લાવતી વખતે તેમાં RTO ચાર્જ, રોડ ટેક્સ, વહીકલ ઈન્સ્યોરન્સ અને અન્ય સરકારી ટેક્સ ઉમેરાય છે. આ તમામ જરૂરી ખર્ચાઓ ઉમેર્યા બાદ દિલ્હી જેવા મોટા શહેરોમાં આ કારની ઓન-રોડ કિંમત લગભગ 8.28 લાખ રૂપિયા સુધી પહોંચી જાય છે. અલગ-અલગ રાજ્યો અને શહેરો મુજબ લોકલ ટેક્સ અને ઈન્સ્યોરન્સ પોલિસીના આધારે ઓન-રોડ કિંમતમાં થોડો તફાવત જોવા મળી શકે છે. ઓન-રોડ કિંમત 8.28 લાખ રૂપિયામાંથી 2 લાખ રૂપિયાનું ડાઉન પેમેન્ટ બાદ કરીએ તો કુલ લોન રકમ લગભગ 6,28,000 રૂપિયા બનશે.

જો તમે કોઈપણ મુખ્ય રાષ્ટ્રીયકૃત કે પ્રાઈવેટ બેંકમાંથી 9 ટકાના વાર્ષિક વ્યાજ દરે 7 વર્ષની મુદત માટે કાર લોન લો છો, તો તમારી દર મહિનાની EMI લગભગ 10,111 રૂપિયા બનશે. આ 7 વર્ષના સમયગાળા દરમિયાન તમે બેંકને કુલ મળીને લગભગ 2.21 લાખ રૂપિયાનું વ્યાજ ચૂકવશો. બીજી તરફ જો તમે 5 વર્ષની મુદત પસંદ કરો છો, તો સમાન 9 ટકાના વ્યાજ દરે 6.28 લાખ રૂપિયાની લોન રકમ પર તમારી માસિક EMI થોડી વધીને લગભગ 13,036 રૂપિયા થઈ જશે. 5 વર્ષનો વિકલ્પ પસંદ કરવાનો મોટો ફાયદો એ છે કે તમારે વ્યાજ ઓછું ચૂકવવું પડશે, જ્યાં 5 વર્ષમાં તમારું કુલ વ્યાજ માત્ર 1.54 લાખ રૂપિયા જ બનશે. કાર ફાઈનાન્સ કરાવતા પહેલાં તમારો સિબિલ સ્કોર (CIBIL Score) 750 થી વધુ હોય તો બેંક તમને 9 ટકાથી પણ ઓછા વ્યાજ દરે લોન આપી શકે છે, જેથી તમારી EMI વધુ ઘટી શકે છે.

આ પણ વાંચો

10 લાખના બજેટમાં કઈ EV ખરીદવી વધુ સારી? જાણો ટોપ-5 કારના નામ

Monsoon Driving Tips: AC ચલાવવા પર કારમાં જામી રહી છે ફોગ? આ ફીચર આવશે કામ