બુટલેગરો બન્યાં બેફામ: રેડ પાડનાર ક્રાઇમ બ્રાન્ચની ટીમ પર કર્યો હુમલો, એક પોલીસ કર્મીને પહોંચી ઇજા
બુટલેગરો બન્યાં બેફામ: રેડ પાડનાર ક્રાઇમ બ્રાન્ચની ટીમ પર કર્યો હુમલો, એક પોલીસ કર્મીને પહોંચી ઇજા
ભરૂચના ભોલાવ ઉદ્યોગ નગર વિસ્તારમાં રેડ પાડવા ગયેલ ક્રાઇમ બ્રાન્ચની ટીમ પર બુટલેગરોએ કર્યો હુમલો, ઘટનામાં એક પોલીસકર્મી ઇજાગ્રસ્ત થયા.
ભરૂચમાં બુટલેગર બેફામ
રાજ્યમાં દારૂબંધી હોવા છતાં પણ બુટલેગરો બેફામ તેનો વેપલો કરતા જોવા મળે છે. ભરૂચના ભોલાવ
ઉદ્યોગ નગર વિસ્તારમાં પણ આવી જ ઘટના સામે આવી છે. અહીં દારૂના વેચાણની પોલીસને બાતમી મળતાં ક્રાઇમ બ્રાન્ચની ટીમ રેડ પાડવા પહોંચી હતી પરંતુ બેફામ બનેલા બુટલેગરોએ ક્રાઇમબ્રાન્ચના પોલીસ કર્મી પર જ સામે હુમલો કરી દીધો. બુટલેગરના હુમલામાં એક પોલીસ કર્મી ઇજાગ્રસ્ત થયો છે. આ ઘટનાના પગલે પોલીસે બુટલેગરો સામે ફરિયાદ નોંધીને કાર્યવાહી હાથ ધરી છે.
પંચમહાલના જાંબુઘોડામાં કેનાલમાં ડૂબ્યાં બે યુવક
જાંબુઘોડા થી બોડેલી ખરીદી કરવા જતાં રસ્તા માં ઉંચેટ ગામ પાસે ની કેનાલમાં ડૂબી ગયાનો અનુમાન લગાવાય રહ્યો છે કારણ કે કેનાલ નજીક બંને યુવાનો ના બુટ અને ચંપલ મળી આવ્યા છે.જાંબુઘોડા નજીક શિવરાજપુર ના કોઠી ફળિયાના ત્રણ મિત્રો બોડેલી ખરીદી કરવા નીકળ્યા હતા, ત્રીજા મિત્ર એ બંને યુવાનો ડૂબ્યા હોવાની પરિવારને જાણ કરી છે.
પંચમહાલના જાંબુઘોડા નજીકની એક કેનાલ પાસે બંને યુવકોના ચંપલ મળી આવ્યા હતા અને આ બંને યુવકો લાપતા હતા. અન્ય યુવકોએ આ ઘટનાની જાણ બંને યુવકના પરિજનોને કરી હતી. બંને યુવકો કેનાલમાં ડૂબી ગયાની અનુમાન પોલીસ લગાવી રહી છે. સમગ્ર ઘટનાને લઇને પોલીસ તપાસ કરી રહી છે. કેનાલ બહાર ચંપલ પડ્યાં હોવાથી પોલીસની પ્રાથમિક તપાસમાં બંને કેનાલમાં ન્હાવા માટે ગયા હોય અને ડૂબી ગયા હોય તેવું સામે આવ્યું છે. પોલીસે આ મામલે વધુ તપાસ હાથ ધરી છે. હાલોલ ફાયર વિભાગ ની ટીમે બન્ને યુવાનો ની શોધખોળ શરૂ કરી છે.
ટોપ સ્ટોરી
ટ્રેન્ડિંગ સમાચાર
