Love Triangle : દમણમાં દારૂની પાર્ટીમાં બોલાવી ગળું કાપીને કરી નાંખી યુવકની હત્યા

સંઘ પ્રદેશ ડાભેલમાં ગુમ થયેલા યુવાનના મામલે હવે નવો ધડાકો થયો છે. ગુમ થયેલા શિવમ સિંહ રાજપુત નામના યુવાનની કરપીણ હત્યા કરવામાં આવી હોવાનો ખુલાસો થયો છે. શિવમની હત્યા તેના જ બે મિત્રોએ કરી છે.

પ્રતિકાત્મક તસવીર

Love Triangle : સંઘ પ્રદેશ ડાભેલમાં ગુમ થયેલા યુવાનના મામલે હવે નવો ધડાકો થયો છે. ગુમ થયેલા શિવમ સિંહ રાજપુત નામના યુવાનની કરપીણ હત્યા કરવામાં આવી હોવાનો ખુલાસો થયો છે. શિવમની હત્યા તેના જ બે મિત્રોએ કરી છે.  પ્રણય ત્રિકોણમાં શિવમની હત્યા કરવામાં આવી છે. શિવમના મિત્ર રવિશંકર પટેલ દ્વારા દારૂની પાર્ટી આપી ગળું કાપી કરી હત્યા. દમણ પોલીસે આરોપી રવિશંકર પટેલ અને તેના સાગરીત રાજુ પટેલની ધરપકડ કરી છે. 

યુવકની લાશ દમણના ભેંસલોર સ્થિત સ્ટોન ક્વોરીના જંગલમાંથી મળી આવી હતી. યુવકની હત્યા કરીને લાશને ફેંકી દેનારા બે આરોપીની ગુરૂવારે દમણ પોલીસે ધરપકડ કરી છે. બંને આરોપીએ પ્રેમ પ્રકરણને લઇને યુવકની હત્યા કરી હોવાનું તપાસમાં બહાર આવ્યું છે. મૂળ મધ્યપ્રદેશના  અને હાલ દમણ બોર્ડર ઉપર આવેલા વાપી નજીકના વડોલીગામે રહેતા નાગેન્દ્રસિંહ રાજપૂતે 31મી ઓગસ્ટે દમણ પોલીસ સ્ટેશનમાં ફરિયાદ નોંધાવી હતી કે, તેમનો પિતરાઇ ભાઇ 18 વર્ષીય શિવમસિંહ શિવશંકરસિંહ રાજપૂત 24મી ઓગસ્ટથી ગુમ છે. દમણ પોલીસે જાણવાજોગ ફરિયાદ નોંધીને તપાસ હાથ ધરતા શંકાના આધારે નાની દમણના ડાભેલ ઘેલવાડ ફળિયામાં રવિશંકર કૃષ્ણવિહારી પટેલ અને ડાભેલના તળાવ ફળિયામાં રહેતા રાજુ જગકિશન પટેલની અટકાયત કરીને પૂછપરછ કરી હતી.

બંને આરોપીએ કબુલાત કરી હતી કે, 24મી ઓગસ્ટે શિવમસિંહ એમની સાથે જ હતો. રાત્રિએ બંને આરોપીએ સંદીપ બાર એન્ડ રેસ્ટોરન્ટથી શિવમને ભેંસલોર સ્ટોન ક્વોરીના ડમ્પિંગ એરિયામાં લઇ ગયા હતા. જ્યાં પ્રેમ પ્રકરણને લઇને શિવમ ઉપર બિયર અને પથ્થરથી માથાના ભાગે હુમલો કરીને મોતને ઘાટ ઉતારી દીધો હતો. સ્ટોન ક્વોરીના તળાવ પાસે ઝાડીમાં શિવમના મૃતદેહને ફેંકીને ત્યાંથી ફરાર થઇ ગયા હતા. પોલીસે બંને આરોપીની હત્યાના ગુનામાં ધરપકડ કરીને આરોપીના 5મી સપ્ટેમ્બર સુધીના રિમાન્ડ મેળવ્યા છે.