UP: બહેન સાથે બાંધ્યા અનૈતિક સંબંધ, અશ્લિલ વીડિયો બનાવી બનેવીને કરવા લાગ્યો બ્લેકમેઇલ, પછી...

પોલીસે જ્યારે મૃતદેહનું પોસ્ટમોર્ટમ કરાવ્યું તો હત્યાની વાત સામે આવી હતી

પ્રતિકાત્મક તસવીર

લખનઉઃ ઉત્તર પ્રદેશના બાંદાના બબેરૂ પોલીસ સ્ટેશન વિસ્તારમાં એક વ્યક્તિએ અવૈધ સંબંધોના કારણે  પોતાના સાળાની  હત્યા કરી નાખી હતી. વાસ્તવમાં મૃતકના આરોપીની પત્ની સાથે અવૈધ સંબંધો હતા. આરોપીની પત્ની મૃતકના મામાની દીકરી થાય છે. એટલે કે મૃતક અને આરોપીની પત્ની ભાઇ બહેન થતા હતા. મૃતકે પોતાની બહેન સાથે અશ્લિલ વીડિયો પણ બનાવ્યો હતો. જ્યારે સાળાએ વીડિયોના બદલામાં બનેવીને બ્લેકમેઇલિંગ કરતા જીજાજીએ દોસ્ત સાથે મળીને સાળાની હત્યા કરી દીધી હતી.

પોલીસે જણાવ્યું હતું કે આ કેસ અવૈધ સંબંધોનો હતો. મૃતક આરોપીની પત્નીની ફોઇનો દીકરો હતો.મૃતકના લગ્ન અગાઉ તેના જ મામાની દીકરી સાથે સંબંધો હતા. તેણે પોતાની બહેન સાથે જ કેટલીક અશ્લિલ વીડિયો પણ બનાવ્યા હતા. જેના મારફતે તે પોતાની બહેનને બ્લેકમેઇલ કરી લગ્ન બાદ પણ સંબંધો બાંધતો રહ્યો હતો.

આ વાતની જાણકારી આરોપી જીજાજે થતા તેણે સાળાને આમ ન કરવા સમજાવ્યો હતો પરંતુ મૃતકે તેના જીજાજીને વીડિયો બતાવીને બ્લેકમેઇલ કરવાનું શરૂ કરી દીધું. મૃતકે તેના જીજાજી પાસે પૈસા  માંગ્યા અને પૈસા ના આપવા પર વીડિયો વાયરલ કરવાની ધમકી આપી હતી. જીજાજીએ ગુસ્સામાં આવીને મિત્રને આ વાત કરી હતી. ત્યારબાદ બંન્નેએ સાથે મળી સાળાનું ગળું દબાવીને હત્યા કરી દીધી હતી. બાદમાં મૃતદેહને ફેંકી દીધો હતો.

પોસ્ટમોર્ટમ રિપોર્ટમાં થયો હત્યાનો ખુલાસો

પોલીસે જ્યારે મૃતદેહનું પોસ્ટમોર્ટમ કરાવ્યું તો હત્યાની વાત સામે આવી હતી. પોલીસે તપાસ બાદ બંન્ને હત્યારાઓને ઝડપી લીધા હતા.  એસપી અભિનંદે કહ્યું કે આ કેસ ભદેહદુ ગામનો છે. પોલીસને જાણકારી મળી હતી કે 25 માર્ચે ગામ પાસે અકસ્માત થયો છે અને લાશ પુલની નીચે પડી છે. પોલીસે લાશ જોઇ તો હત્યાની આશંકા વ્યક્ત કરી હતી અને મૃતદેહને પોસ્ટમોર્ટમ માટે મોકલ્યો હતો. રિપોર્ટ આવતા બધુ સ્પષ્ટ થઇ ગયું હતું.

બાદમાં પોલીસે તપાસ માટે એક ટીમની રચના કરી. મોબાઇલ સર્વિલાન્સની મદદથી બંન્ને આરોપીઓની ધરપકડ કરાઇ હતી. પૂછપરછમાં બંન્નેએ પોતાનો ગુનો કબૂલી લીધો હતો.