Crime News: બોટાદમાં તીક્ષ્ણ હથિયારના ઘા ઝીંકી યુવકની ઘાતકી હત્યા, 10 વર્ષ પહેલા બનેલી ઘટના બની મોતનું કારણ
Crime News: બોટાદમાં આજે સવારે તાલુકા સેવા સદનના ગ્રાઉન્ડમાં એક યુવકની તીક્ષ્ણ હથિયારના ઘા ઝીંકી સરાજાહેર ઘાતકી હત્યા કરી નાખવામાં આવી છે. હત્યાની ઘટનાને પગલે શહેરમાં ભારે ચકચાર મચી જવા પામી છે.
Crime News: બોટાદમાં આજે સવારે તાલુકા સેવા સદનના ગ્રાઉન્ડમાં એક યુવકની તીક્ષ્ણ હથિયારના ઘા ઝીંકી સરાજાહેર ઘાતકી હત્યા કરી નાખવામાં આવી છે. હત્યાની ઘટનાને પગલે શહેરમાં ભારે ચકચાર મચી જવા પામી છે. બનાવના પગલે લોકોના ટોળા ત્યાં ઉમટી પડ્યા હતા જ્યારે પોલીસ કાફલો ત્યાં દોડી જઇ લાશને પીએમ માટે મોકલી હત્યાનું કારણ અને હત્યારાને શોધવાની કાર્યવાહી હાથ ધરી છે. આ અંગે વિગતે વાત કરીએ તો, બોટાદ શહેરમાં તાલુકા સેવા સદનના ગ્રાઉન્ડમાં આજે મુદત ભરવા આવેલા સિહોરના મફતનગર વિસ્તારમાં રહેતા અને રિક્ષા ચલાવતા લક્ષ્મણભાઈ કનુભાઈ જોગરાણા નામના 25 વર્ષીય યુવકની કોઈ અજાણ્યા ઈસમોએ તીક્ષ્ણ હથિયારના ઘા ઝીંકી ઘાતકી હત્યા કરી નાસી છૂટ્યા હતા.
પોલીસ કાફલો ઘટના સ્થળે દોડી ગયો હતો
લક્ષ્મણભાઈ તાલુકા સેવા સદનમાં મુદત ભરવા માટે આવેલ હતા જ્યાંથી તેઓ બહાર નીકળતા અગાઉથી તેની હત્યાનો પ્લાન બનાવીને ઉભેલા અજાણ્યા શખ્સોએ લક્ષ્મણભાઈ ઉપર તીક્ષણ હથિયારો વડે જીવલેણ હુમલો કરી આડેધડ હથિયારોના ઘા ઝીંકી દેતા તેઓ ત્યાં જ ઢળી પડ્યા હતા અને તેનું મોત નિપજ્યું હતું. હત્યાના બનાવને પગલે ભારે ચકચાર મચી જવા પામી હતી.જ્યારે ઘટનાની જાણ પોલીસને કરતા પોલીસ કાફલો ઘટના સ્થળે દોડી ગયો હતો. તેમજ મૃતકની બોડીને પીએમ હોસ્પિટલ ખસેડી હત્યાનું કારણ અને હત્યારાને શોધવા કાર્યવાહી હાથ ધરી છે.
10 વર્ષ પહેલાં બની હતી હત્યાની ઘટના
બોટાદ તાલુકા સેવા સદનના ગ્રાઉન્ડમાં આશરે 25 વર્ષીય લક્ષમણ જોગરાણાની હત્યા મામલે આશરે 10 વર્ષ પહેલાં થયેલ હત્યા મામલે આરોપી તરીકે લક્ષ્મણ જોગરાણા હોય પણ તે સમયે તેની ઉંમર લગભગ 16 વર્ષની આસપાસની હોય જેના કારણે બાળ અદાલતમાં કેસ ચાલેલ. જે અંતર્ગત આજરોજ તે મુદત ભરવા આવેલ ત્યારે અગાઉ થયેલ હત્યાની દાજ રાખી લક્ષમણની આજરોજ તિક્ષ્ણ હથિયારોના ઘા મારી હત્યા કરનાર આરોપી ત્યાંથી ફરાર થઈ ગયા હોવાની આશંકા છે. ત્યારે બોટાદ ડી.વાય.એસ.પી. દ્રારા આપેલ માહિતી મુજબ અગાવની અંગત અદાવતમાં આહત્યા થયેલ હોય જેને લઈ હાલ તો અલગ અલગ ટિમો બનાવી પોલીસ દ્રારા આરોપ ને ઝડપી લેવા કામગીરી હાથ ધરવામાં આવેલ છે. હત્યાની ઘટનાને પગલે ચારે તરફ ચકચાર મચી જવા પામી છે.
Join Our Official Telegram Channel: https://t.me/abpasmitaofficial
ટોપ સ્ટોરી
ટ્રેન્ડિંગ સમાચાર
