સેન્ટ્રલ બેંક ઓફ ઈન્ડિયામાં નોકરીની શાનદાર તક!  350 જગ્યાઓ માટે ડાયરેક્ટ લિંકથી આજે જ કરો અરજી 

જો તમે બેંકિંગ ક્ષેત્રમાં નોકરી શોધી રહ્યા છો તો આ સમાચાર તમારા માટે છે. સેન્ટ્રલ બેંક ઓફ ઈન્ડિયાએ ફોરેન એક્સચેન્જ ઓફિસર અને માર્કેટિંગ ઓફિસરના પદો માટે અરજીઓ મંગાવી છે.

પ્રતિકાત્મક તસવીર

Source : તસવીર સોશિયલ મીડિયા

Central bank of india recruitment: જો તમે બેંકિંગ ક્ષેત્રમાં નોકરી શોધી રહ્યા છો તો આ સમાચાર તમારા માટે છે. સેન્ટ્રલ બેંક ઓફ ઈન્ડિયાએ ફોરેન એક્સચેન્જ ઓફિસર અને માર્કેટિંગ ઓફિસરના પદો માટે અરજીઓ મંગાવી છે. આ પદો માટે અરજી પ્રક્રિયા શરૂ થઈ ગઈ છે. રસ ધરાવતા અને લાયક ઉમેદવારો સત્તાવાર વેબસાઇટની મુલાકાત લઈને અરજી કરી શકે છે. આ પદ માટે અરજી કરવાની અંતિમ તારીખ 3 ફેબ્રુઆરી, 2026 છે. રસ ધરાવતા ઉમેદવારોએ આ તારીખે અથવા તે પહેલાં અરજી કરવી જોઈએ.  આવેદન કરવા માટે ડાયરેક્ટ લિંક 

કઈ રીતે અરજી કરવી 

• સૌપ્રથમ, ઉમેદવારોએ સત્તાવાર વેબસાઇટની મુલાકાત લેવી આવશ્યક છે.
• ત્યારબાદ, તેમણે હોમપેજ પર સંબંધિત લિંક પર ક્લિક કરવાનું રહેશે. 
• ત્યારબાદ, ઉમેદવારોએ પહેલા પોતાનું રજીસ્ટ્રેશન કરાવવું આવશ્યક છે.
• આ પછી, ઉમેદવારોએ તેમનું અરજી ફોર્મ ભરવું આવશ્યક છે.
• પછી તેને સબમિટ કરો.
• ફોર્મ સબમિટ કર્યા પછી, તેને ડાઉનલોડ કરો અને પ્રિન્ટઆઉટ લો.

અરજી કરવા માટે શૈક્ષણિક લાયકાત 

ફોરેન એક્સચેન્જ ઓફિસર (મિડલ મેનેજમેન્ટ ગ્રેડ સ્કેલ III): ઓલ ઈન્ડિયા કાઉન્સિલ ફોર ટેકનિકલ એજ્યુકેશન (AICTE)/યુનિવર્સિટી ગ્રાન્ટ્સ કમિશન (UGC) દ્વારા માન્ય યુનિવર્સિટી/કોલેજમાંથી કોઈપણ વિદ્યાશાખામાં ફૂલ ટાઈમ સ્નાતક. સંબંધિત પ્રવાહમાં CFA/CA, MBA જેવી વ્યાવસાયિક લાયકાત ધરાવતા ઉમેદવારોને પ્રાધાન્ય આપવામાં આવશે.

માર્કેટિંગ ઓફિસર (જુનિયર મેનેજમેન્ટ ગ્રેડ સ્કેલ I): ઓલ ઈન્ડિયા કાઉન્સિલ ફોર ટેકનિકલ એજ્યુકેશન (AICTE)/યુનિવર્સિટી ગ્રાન્ટ્સ કમિશન (UGC) દ્વારા માન્ય યુનિવર્સિટી/કોલેજમાંથી ફૂલ ટાઈમ સ્નાતક અને બે વર્ષનો ફુલ ટાઈમ માસ્ટર ઓફ બિઝનેસ એડમિનિસ્ટ્રેશન (MBA)/પોસ્ટ-ગ્રેજ્યુએટ ડિપ્લોમા ઇન બિઝનેસ એનાલિટિક્સ (PGDBA)/પોસ્ટ-ગ્રેજ્યુએટ ડિપ્લોમા ઇન બિઝનેસ મેનેજમેન્ટ (PGDBM)/પોસ્ટ ગ્રેજ્યુએટ પ્રોગ્રામ ઇન મેનેજમેન્ટ (PGPM)/પોસ્ટ-ગ્રેજ્યુએટ ડિપ્લોમા ઇન મેનેજમેન્ટ (PGDM) જેમાં માર્કેટિંગમાં મુખ્ય વિશેષતા હોય.   

વેકેંસી 

સેન્ટ્રલ બેંક ઓફ ઈન્ડિયાએ ફોરેન એક્સચેન્જ ઓફિસર અને માર્કેટિંગ ઓફિસરના પદો માટે કુલ 350 જગ્યાઓ ભરવામાં આવશે.

પસંદગી પ્રક્રિયા કઈ રીતે થશે 

આ ભરતી માટેની પસંદગી પ્રક્રિયામાં ઓનલાઈન લેખિત પરીક્ષા અને પર્સનલ ઇન્ટરવ્યુનો સમાવેશ થાય છે. લેખિત પરીક્ષામાં 100 ગુણ ધરાવતા 100 પ્રશ્નો હશે.  સેન્ટ્રલ બેંક ઓફ ઈન્ડિયામાં  પરીક્ષાનો સમયગાળો 2 કલાકનો છે. લેખિત પરીક્ષામાં લાયકાત ધરાવતા ગુણ બિનઅનામત/EWS શ્રેણીઓ માટે ૫૦% અને SC/ST/OBC/PwBD (દિવ્યાંગ વ્યક્તિઓ) માટે 45 % રહેશે.