CBSE રજિસ્ટ્રેશનઃ ધોરણ-9 અને 11ના વિદ્યાર્થીઓ 6 જાન્યુઆરી સુધી રજિસ્ટ્રેશન કરાવી શકશે, ત્યાર બાદ લેટ ફી ચૂકવવી પડશે

ઓનલાઈન રજીસ્ટ્રેશન કરનારા વિદ્યાર્થીઓને વર્ષ 2022-23ની પરીક્ષામાં બેસવાની તક મળશે.

પ્રતિકાત્મક તસવીર

CBSE Registration 2022: સેન્ટ્રલ બોર્ડ ઓફ સેકન્ડરી એજ્યુકેશન દ્વારા વર્ષ 2022-2023ની 9મી અને 11મી પરીક્ષામાં બેસનાર વિદ્યાર્થીઓ માટે નોંધણી માટેની અંતિમ તારીખ લંબાવવામાં આવી છે. વિદ્યાર્થીઓ કોઈપણ લેટ ફી ચૂકવ્યા વિના 06 જાન્યુઆરી 2022 સુધી પોતાનું રજીસ્ટ્રેશન કરાવી શકે છે.

ઓનલાઈન રજીસ્ટ્રેશન કરનારા વિદ્યાર્થીઓને વર્ષ 2022-23ની પરીક્ષામાં બેસવાની તક મળશે. સેન્ટ્રલ બોર્ડ ઓફ સેકન્ડરી એજ્યુકેશન દ્વારા રજીસ્ટ્રેશન ફી 300 રૂપિયા નક્કી કરવામાં આવી છે. 6 જાન્યુઆરી પછી વિદ્યાર્થીઓએ 2000 રૂપિયાની લેટ ફી ચૂકવવી પડશે. જે તે 14 જાન્યુઆરી 2022 સુધી જ કરી શકશે. બોર્ડ દ્વારા કહેવામાં આવ્યું છે કે CBSE બોર્ડે શાળાઓને વિદ્યાર્થીઓને વેરિફિકેશન પછી જ અપલોડ કરવાની સલાહ આપી છે. બોર્ડે કહ્યું છે કે શાળાઓને પછીથી વિગતવાર ચકાસણીની તક આપવામાં આવશે નહીં. શાળાઓએ સીબીએસઈની વેબસાઈટ પર જઈને અરજી ફોર્મ સંબંધિત માહિતી તપાસવાની રહેશે. ધોરણ 9 અને 11ના વિદ્યાર્થીઓ માટે, CBSE એ 15મી ડિસેમ્બર 2021થી નોંધણી શરૂ કરી હતી. અગાઉ જારી કરાયેલા નોટિફિકેશન મુજબ, વિદ્યાર્થીઓ 30 ડિસેમ્બર 2021 સુધી નોંધણી કરાવી શકશે. જેને બોર્ડ દ્વારા વધારીને 6 જાન્યુઆરી કરવામાં આવી છે.
આ રીતે નોંધણી કરો

પગલું 1: cbse.nic.in પર જાઓ.

પગલું 2: 9મી-11મી સત્ર પર ક્લિક કરો.
પગલું 3: વર્ગોની સંખ્યા અને વિદ્યાર્થીઓની સંખ્યા દાખલ કરો.
પગલું 4: નામ, ફોન નંબર અને અન્ય વિગતો દાખલ કરો.
પગલું 5: ફાઇલમાં પૂછવામાં આવેલી વિગતો ભરો અને તેને વેબસાઇટ પર અપલોડ કરો.
પગલું 6: એપ્લિકેશન ફી ચૂકવો.
પગલું 7: અરજી ફી ભરીને ઉમેદવારોની યાદીની પ્રિન્ટ આઉટ લો.