Jobs 2024: બેન્કથી લઇને પોસ્ટ ઓફિસ સુધી, અહી થઇ રહી છે 50 હજારથી વધુ પદો પર ભરતી

Government Jobs 2024:બેન્કથી લઈને પોસ્ટ ઓફિસ સુધી અહીં ઘણી જગ્યાઓ માટે ભરતી ચાલી રહી છે

પ્રતિકાત્મક તસવીર

Source : Freepik

Government Jobs 2024: બેન્કથી લઈને પોસ્ટ ઓફિસ સુધી અહીં ઘણી જગ્યાઓ માટે ભરતી ચાલી રહી છે. અરજીની છેલ્લી તારીખથી લઈને અરજી કરવાની પદ્ધતિ સુધી દરેક માટે બધું અલગ છે. તેની વિગતો જાણવા માટે સત્તાવાર વેબસાઇટ પર આપવામાં આવેલા નોટિફિકેશનને જોવું વધુ સારું રહેશે. અમે અહીં ટૂંકી માહિતી આપી રહ્યા છીએ. તમે તે ફોર્મ ભરી શકો છો જેના માટે તમે અરજી કરવા પાત્ર છો.

ઈન્ડિયા પોસ્ટ જીડીએસ ભરતી 2024

ઈન્ડિયા પોસ્ટે 44 હજારથી વધુ GDS અને અન્ય પોસ્ટ માટે ભરતીની જાહેરાત કરી છે. 15 જૂલાઈથી અરજીઓ સ્વીકારવામાં આવી રહી છે અને અરજી કરવાની છેલ્લી તારીખ 5 ઓગસ્ટ, 2024 છે. જે ઉમેદવારો જરૂરી લાયકાત ધરાવતા હોય અને આ જગ્યાઓ માટે અરજી કરવાની ઈચ્છા ધરાવતા હોય તેઓ નિયત ફોર્મેટમાં અરજી કરી શકે છે. કુલ 44288 જગ્યાઓ પર ભરતી થશે અને અરજીઓ માત્ર ઓનલાઈન કરી શકાશે. આ માટે તમે indiapostgdsonline.gov.in પર જઈ શકો છો. 18 થી 40 વર્ષની વયના 10 પાસ ઉમેદવારો અરજી કરી શકે છે. આ પોસ્ટ્સ બ્રાન્ચ પોસ્ટમાસ્ટર, આસિસ્ટન્ટ બ્રાન્ચ પોસ્ટમાસ્ટર વગેરેની છે.

આ પોસ્ટ તમારી જો તમારી પસંદગી થશે તો પોસ્ટ મુજબ પગાર મળશે. આ દર મહિને 10 હજારથી 24 હજાર રૂપિયા અને 12 હજારથી 29 હજાર રૂપિયા સુધીની છે. પરીક્ષા વગર 10મા ગુણના મેરિટના આધારે પસંદગી કરવામાં આવશે.

આઇબીપીએસ ક્લાર્ક ભરતી 2024

ઇન્સ્ટિટ્યૂટ ઓફ બેન્કિંગ પર્સોનલ સિલેક્શન ક્લર્કિલ કેડરની 6128 જગ્યાઓ માટે અરજીઓ આમંત્રિત કરી છે. આ ખાલી જગ્યાઓ 11 જાહેર ક્ષેત્રની બેન્કો માટે છે અને પસંદગી પરીક્ષા દ્વારા કરવામાં આવશે, આ પરીક્ષા માટે આ અરજીઓ મંગાવવામાં આવી છે. અરજી કરવા માટે ibps.in પર જાવ. વય મર્યાદા 20 થી 28 વર્ષ છે અને સ્નાતકો અરજી કરી શકે છે.

પહેલા પ્રી એક્ઝામ અને પછી મેઇન્સ યોજાશે. પસંદગી માટે તમામ તબક્કાઓ પાસ કરવા જરૂરી છે. ફી 850 રૂપિયા છે અને રિઝર્વ કેટેગરી માટે ફી 175 રૂપિયા છે. જો પસંદગી કરવામાં આવે છે તો ઉમેદવારોને પ્રથમ પગાર 19,900 રૂપિયા અને બાદમાં 24,590 રૂપિયા મળશે. છેલ્લી તારીખ 21મી જુલાઈ હતી જે હવે વધારીને 28મી જૂલાઈ કરવામાં આવી છે.

SBI SCO ભરતી 2024

સ્ટેટ બેન્ક ઓફ ઈન્ડિયામાં સ્પેશિયાલિસ્ટ કેડર ઓફિસરની જગ્યા માટે ભરતી છે. અરજીઓ ચાલુ છે, અરજી કરવાની છેલ્લી તારીખ 8મી ઓગસ્ટ 2024 છે. અરજી માટેની પાત્રતા પોસ્ટ મુજબ છે અને તેની વિગતો વેબસાઇટ પરથી જોઈ શકાય છે. કુલ 1040 જગ્યાઓ ભરવામાં આવશે. 56 વર્ષ સુધીના ઉમેદવારો અરજી કરી શકે છે. પ્રથમ ઉમેદવારોને પસંદગી માટે શોર્ટલિસ્ટ કરવામાં આવશે અને પછી ઇન્ટરવ્યુ લેવામાં આવશે. પરીક્ષા લેવાશે નહીં. જો પસંદગી થશે તો લાખોમાં પગાર મળશે.