અમિત શાહના ગૃહ મંત્રાલયે ફરીથી સ્કૂલ-કોલેજો બંધ કરવાનો આદેશ આપ્યો? જાણો સરકારે શું કહ્યું

પીઆઈબી ફેક્ટ ચેકે ટ્વિટ કરીને લખ્યુંસ કેટલીક તસવીરોમાં દાવો કરવામાં આવી રહ્યો છે ગૃહ મંત્રાલયે સ્કૂલ-કોલેજો ફરીથી બંધ કરવાનો આદેશ આપ્યો છે.

(ફાઈલ તસવીર)

નવી દિલ્હીઃ દેશના મોટાભાગના રાજ્યોમાં ફરીથી સ્કૂલ-કોલેજો ખૂલી ગઈ છે.  આ દરમિયાન સોશિયલ મીડિયા પર એક તસવીર વાયરલ થઈ રહી છે. જેમાં કહેવામાં આવી રહ્યું છે કે,  ગૃહ મંત્રાલયે ફરીથી તમામ સ્કૂલોને બંધ કરવાનો ફેંસલો લીધો છે. જે બાદ તેને લઈ ભારત સરકારે સ્પષ્ટતા કરી હતી. પીઆઈબી ફેક્ટ ચેકે ટ્વિટ કરીને લખ્યુંસ કેટલીક તસવીરોમાં દાવો કરવામાં આવી રહ્યો છે ગૃહ મંત્રાલયે સ્કૂલ-કોલેજો ફરીથી બંધ કરવાનો આદેશ આપ્યો છે. જેનું ખંડન કરતાં પીઆઈબી ફેક્ટ ચેકે કહ્યું, આ દાવો ફેક છે. ગૃહ મંત્રાલયે સ્કૂલ-કોલેજો બંધ કરવા સંબંધિત કોઈ આદેશ જાહેર કર્યો નથી.

નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. પીઆઈબી ફેક્ટ ચેકને કોઈ પણ શંકાસ્પદ સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો અથવા pibfactcheck@gmail.com પર મેઈલ કરી શકો છો.