Manipur Election Result: હિંસાનો સામનો કરી રહેલા મણિપુરે NDAને આપ્યો જાકારો, બન્ને બેઠકો પર કોંગ્રેસની બમ્પર જીત
Manipur Lok Sabha Result 2024: ઈનર મણિપુર સીટ પર કોંગ્રેસના ઉમેદવાર અંગોમચા બિમોલે ભાજપના ઉમેદવાર સામે જીત મેળવી છે. તો આઉટર મણિપુર સંસદીય મતવિસ્તારમાં, કોંગ્રેસે NDAના સહયોગી નાગા પીપલ્સ ફ્રન્ટ (NPF) ઉમેદવાર પર લીડ મેળવી છે.
Manipur Lok Sabha Result 2024: લોકસભા ચૂંટણીના પરિણામો આવવા લાગ્યા છે અને એનડીએ સરકાર બનવાના સ્પષ્ટ સંકેતો મળી રહ્યા છે. જો કે ભાજપ પોતાના દમ પર બહુમતીનો આંકડો સ્પર્શે તેમ લાગતું નથી. તે જ સમયે, કોંગ્રેસના પ્રદર્શનમાં ઘણો સુધારો થયો છે અને પાર્ટી લગભગ 100 બેઠકો પર આગળ છે. હિંસાની આગમાં સળગી ગયેલી મણિપુરની બંને બેઠકો પર કોંગ્રેસની જીત થઈ છે. અહીં બીજેપી અને એનપીએફે પોતાની સીટો ગુમાવી છે.
ઈનર મણિપુર સીટ પર કોંગ્રેસના ઉમેદવાર અંગોમચા બિમોલે ભાજપના ઉમેદવાર સામે જીત મેળવી છે. તો આઉટર મણિપુર સંસદીય મતવિસ્તારમાં, કોંગ્રેસે NDAના સહયોગી નાગા પીપલ્સ ફ્રન્ટ (NPF) ઉમેદવાર પર લીડ મેળવી છે. આ બેઠક પર ભાજપે પોતાનો ઉમેદવાર ઉભો રાખ્યો નથી. છેલ્લા પરિણામો વિશે વાત કરીએ તો, 2019 માં, આઉટર મણિપુર બેઠક ભાજપે જીતી હતી જ્યારે આઉટર મણિપુરમાં NPFના ઉમેદવાર જીત્યા હતા.
મણિપુરમાં બે લોકસભા બેઠકો છે: આંતરિક મણિપુર અને બાહ્ય મણિપુર. બંને બેઠકો પર કોંગ્રેસની જીત થઈ છે. આંતરિક મણિપુર લોકસભા બેઠક પરથી કોંગ્રેસના અંગોમચા બિમોલ અકોઈજામની જીત થઈ છે. આઉટર મણિપુરમાં પણ કોંગ્રેસની જીત થઈ છે. પાર્ટીના ઉમેદવાર આલ્ફ્રેડ કંગમ એસ આર્થર જીત્યા છે. ચૂંટણી પંચના ડેટા અનુસાર, સાંજે 6 વાગ્યા સુધી તેમને 3,79,126 વોટ મળ્યા છે. તે જ સમયે, NPF એટલે કે નાગા પીપલ્સ ફ્રન્ટના કાચુઈ ટિમોથી ઝિમિક 80 હજારથી વધુ મતોથી પાછળ છે.
મણિપુરમાં બમ્પર વોટિંગ
હિંસા બાદ, આઉટર મણિપુર સીટના 6 પોલિંગ બૂથ પર ફરીથી મતદાન યોજાયું હતું અને સીટ પર કુલ મતોના 80 ટકાથી વધુ મતદાન થયું હતું. તેવી જ રીતે, બંને બેઠકો સહિત મણિપુરમાં 70 ટકાથી વધુ મતદાન નોંધાયું હતું. મણિપુર છેલ્લા એક વર્ષથી હિંસાની આગમાં સળગી રહ્યું છે અને મતદાન દરમિયાન પણ ત્યાં હિંસક અથડામણ જોવા મળી હતી. ચૂંટણી પંચે પણ રાજ્યમાં મતદાન માટે કડક સુરક્ષા વ્યવસ્થા કરી હતી. મણિપુરમાં ફાટી નીકળેલી હિંસામાં લગભગ 200 લોકોએ જીવ ગુમાવ્યા છે અને તેને રોકવામાં નિષ્ફળતાને કારણે રાજ્યની ભાજપ સરકાર પ્રત્યે લોકોમાં ઊંડો આક્રોશ હતો, જે ચૂંટણી પરિણામોમાં પણ દેખાઈ રહ્યો છે. મણિપુર સમગ્ર ચૂંટણી દરમિયાન વિપક્ષમાં હિંસાનો મુદ્દો બનાવ્યો, રાહુલ ગાંધીએ પણ મણિપુરથી જ તેમની ન્યાય યાત્રા શરૂ કરી હતી.
ટ્રેન્ડિંગ સમાચાર
ટોપ સ્ટોરી
