‘મોદી ક્યારેય સાચું નથી બોલતા, જો શ્રીલંકા ગયા હોત તો કહેત, રાવણને મેં માર્યો હતો’, જાણો ક્યા નેતાએ મોદી પર સાધ્યું નિશાન

નવી દિલ્હીઃ લોકસભા ચૂંટણીની જાહેરાત થતા જ પાર્ટી અને નેતાઓ એકબીજા પર પ્રહાર કરવા લાગ્યા છે. હાલમાં જ ઉત્તર પ્રદેશના બાગપતમાં રાષ્ટ્રીય લોક દળના અધ્યક્ષ ચૌધરી અજીત સિંહએ પીએમ મોદી પર નિશાન સાધ્યું છે. એક ચૂંટણી રેલીમાં અજીત સિંહે પીએમ મોદીને લઈને કહ્યું કે, એ ક્યારેય સાચું નથી બોલતા. તેમણે કહ્યું કે, મોદી એટલા હોશિયાલ અને ચાલાક વ્યક્તિ છે કે જો તે શ્રીલંકા ચાલ્યા જાય તો પરત ફરીને કહે કે રાવણને મેં જ માર્યો હતો, કારણ કે દેશમાં બીજા કોઈએ તો કંઈ કર્યું જ નથી. અજીત સિંહે આગળ કહ્યું કે, મોદી ખોટું બોલે છે. તે આજ સુધી સાચું નથી બોલ્યા. અજીત સિંહે કહ્યું કે, ‘બાળકોને શિખવાડવામાં આવે છે કે, સાચું બોલો. પરંતુ મોદીના માતા-પિતાએ નથી શીખવાડ્યું.’