વડાપ્રધાન મોદી સાથેની અક્ષય કુમારની મીટિંગ પર ભડકી આ હૉટ એક્ટ્રેસ, ટ્વીટ કરીને માંગ્યો આ જવાબ.....

મુંબઇઃ બૉલીવુડની હૉટ એક્ટ્રેસ દિયા મિર્ઝાએ વડાપ્રધાન મોદી અને એક્ટર અક્ષય કુમાર પર નિશાન તાક્યુ છે. દિયાએ મહિલાઓના સન્માનને લઇને એક ટ્વીટનો જવાબ આપતા સવાલો ઉઠાવ્યા હતા.

નોંધનીય છે કે, આ મીટિંગમાં અક્ષય કુમાર, અજય દેવગન, ફિલ્મ નિર્માતા કરણ જોહર, રાકેશ રોશન અને સેન્સર બોર્ડના પ્રમુખ પ્રસુન જોશી અને પ્રૉડ્યૂસર ગિલ્ડ ઓફ ઇન્ડિયાના અધ્યક્ષ સિદ્વાર્થ રૉય કપૂર હાજર હતા.

મીટિંગમાં એન્ટરટેઇન્ટમેન્ટ માટે GST રેટ ઓછા અને એકસમાન રાખવાની માંગ કરવામાં આવી હતી. દિયાએ આ મીટિંગને ‘ઓલ મેન મીટિંગ’ ગણાવી હતી. અક્ષયના આ ટ્વીટને રી-ટ્વીટ કરતાં દિયાએ લખ્યું- ‘આ આશ્ચર્યજનક છે, એવુ શુ કારણ હતુ જેના કારણે એકપણ મહિલા આ રૂમમાં ન હતી.?’

ખરેખરમાં, અક્ષય કુમારે વડાપ્રધાન મોદી સાથેની મુલાકાતનો એક ફોટો ટ્વીટર પર શેર કર્યો હતો, દિયાએ આ મીટિંગમાં કોઇપણ મહિલાની ઉપસ્થિતિ ના હોવાને લઇને પીએમ અને અક્ષય બન્ને પાસે જવાબ માંગ્યો હતો.