![ABP Premium](https://cdn.abplive.com/imagebank/Premium-ad-Icon.png)
એક્ટ્રેસ રકુલ પ્રીત સિંહના ભાઈ અમનની હૈદરાબાદ પોલીસે કરી ધરપકડ, જાણો શું છે મામલો
રકુલના ભાઈ અમનની હૈદરાબાદ પોલીસે ધરપકડ કરી છે. અમન પ્રીત સિંહની ડ્રગ્સ કેસમાં ધરપકડ કરવામાં આવી છે.
![એક્ટ્રેસ રકુલ પ્રીત સિંહના ભાઈ અમનની હૈદરાબાદ પોલીસે કરી ધરપકડ, જાણો શું છે મામલો Actress Rakul Preet Singh brother Aman arrested by the Hyderabad police એક્ટ્રેસ રકુલ પ્રીત સિંહના ભાઈ અમનની હૈદરાબાદ પોલીસે કરી ધરપકડ, જાણો શું છે મામલો](https://feeds.abplive.com/onecms/images/uploaded-images/2024/07/15/e41481ca2ca01a7a990894a8981642cc172105093873076_original.jpg?impolicy=abp_cdn&imwidth=1200&height=675)
Actor Rakul Preet Singh Brother Aman Arrested: બોલિવૂડની જાણીતી અભિનેત્રી રકુલ પ્રીત સિંહના ભાઈ અમન પ્રીત સિંહને લઈ એક મોટા સમાચાર સામે આવી રહ્યા છે. રકુલના ભાઈ અમનની હૈદરાબાદ પોલીસે ધરપકડ કરી છે. અમન પ્રીત સિંહની ડ્રગ્સ કેસમાં ધરપકડ કરવામાં આવી છે.
હૈદરાબાદ પોલીસે માહિતી આપી
હૈદરાબાદ પોલીસે ખુદ રકુલ પ્રીત સિંહના ભાઈ અમન પ્રીત સિંહની ડ્રગ્સ કેસમાં ધરપકડની માહિતી શેર કરી છે. હૈદરાબાદ પોલીસે સોમવારે એક કોન્ફરન્સ યોજી હતી. આ દરમિયાન પોલીસે જણાવ્યું હતું કે અમન પ્રીત સિંહની ડ્રગ કેસના સંબંધમાં ધરપકડ કરવામાં આવી છે.
View this post on Instagram
અમન પ્રીત સિંહે ડ્રગ્સ લીધું હતું
પોલીસના જણાવ્યા અનુસાર ધરપકડ બાદ હવે રકુલના ભાઈને કોર્ટમાં રજૂ કરવાની તૈયારી ચાલી રહી છે. પોલીસે જણાવ્યું કે અમન ડ્રગ્સનું સેવન કરતો હતો. ટેસ્ટમાં અમન પોઝિટિવ આવ્યો હતો. અમન ઉપરાંત, પોલીસે ડ્રગ્સના કેસમાં અન્ય 12 લોકો વિશે પણ જણાવ્યું હતું, જેઓનો ટેસ્ટ પોઝિટિવ આવ્યો હતો.
અમને કોકેઈનનું સેવન કર્યું હતું
પોલીસે કહ્યું, 'આ કેસની વધુ તપાસ પછી જ અમે નિવેદન આપીશું કે અમન કોની સાથે સંકળાયેલો છે. અમારે તપાસ કરવાની જરૂર છે કે આરોપી સાથે તેના સંબંધો ક્યારે શરૂ થયા, જેમાં કેટલાક ભારતીયો અને નાઈજીરીયનોનો સમાવેશ થાય છે. તેમાંથી કેટલાક રીઢા અપરાધીઓ છે. પરંતુ અમારું માનવું છે કે દોઢ વર્ષથી આ થઈ રહ્યું હોઈ શકે છે. કોકેઈનના સેવન માટે અમનનો ટેસ્ટ પોઝિટિવ આવ્યો છે.
રકુલ પ્રીત સિંહનો ડ્રગ્સ કેસ સાથે કોઈ સંબંધ નથી
ડ્રગ્સ કેસમાં કથિત મની લોન્ડરિંગ કેસમાં ઇડી (એન્ફોર્સમેન્ટ ડિરેક્ટોરેટ) દ્વારા રકુલને સમન્સ મોકલવામાં આવી હતી તે અંગે પણ પોલીસને પૂછપરછ કરવામાં આવી હતી. તેના પર પોલીસે કહ્યું, તેને આ કેસ સાથે કોઈ લેવાદેવા નથી, અમે તેની તપાસ નથી કરી રહ્યા, તેનું નામ બિનજરૂરી રીતે લાવવાની જરૂર નથી.
View this post on Instagram
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)