જીવલેણ બીમારીથી લડી રહેલ આ એક્ટ્રેસેને સલમાને નહીં પરંતુ આ એક્ટરે કરી મદદ

પૂજાનું કહેવું છે કે, તેની પાસે બિલકુલ પૈસા નથી. આ સ્થિતિમાં તેણે સલમાન સાથે કોન્ટેક્ટ કરવાનો પ્રયત્ન કર્યો, પરંતુ હજી સુધી તેમના તરફથી કોઈ જવાબ નથી આવ્યો. યોગ્ય ટ્રીટમેન્ટ ન મળી શકવાને કારણે તેની સ્થિતિ વણસી રહી છે.

નવી દિલ્હીઃ સલમાન ખાનની સાથે ફિલ્મ વીરગતિમાં જોવા મળેલ એક્ટ્રેસ પૂજા ડડવાલ હાલમાં ટીબી જેવી ગંભીર બીમારીનો સામનો કરી રહી છે. પૂજા મુંબઈની શિવડી સ્થિતિ બીએમસીની ટીબી હોસ્પિટલમાં સારવાર લઈ રહી છે. પૂજા ડડવાલની હાલત હાલમાં ખૂબ જ ખરાબ છે. તે બીમારીની સાથે આર્થિક મુશ્કેલીનો પણ સામનો કરી રહી છે. અહેવાલ અનુસાર તેના પરિવારે પણ તેનો સાથ છોડી દીધો છે. કેટલાક મિત્રોએ તેને હોસ્પિટલ પહોંચી હતી. એવામાં હવે ભોજપુરી સુપરસ્ટાર રવિ કિશને તેની મદદ કીર છે.

આ સ્થિતિમાં પૂજાની મદદ કરવા આગળ આવ્યા છે એક્ટર રવિ કિશન. રવિ હૈદરાબાદમાં પોતાની ફિલ્મ MLAનું શૂટિંગ કરી રહ્યા હતા. તેમને જ્યારે ખબર મળી તો એક ઓળખીતી વ્યક્તિની મદદથૂ પૂજાને ફળ અને પૈસા મોકલાવ્યા. રવિ કિશન ‘તુમસે પ્યાર હો ગયા’ નામની ફિલ્મમાં પૂજા સાથે કામ કરી ચુક્યા છે.

મીડિયા સાથેની વાતચીતમાં પૂજાએ જણાવ્યું કે તે ગોવાના એક કસિનોમાં મેનેજર હતી. 6 મહિના પહેલા તેને આ બીમારી વિષે ખબર પડી. બીમારી વિષે જાણ થતાં જ તેના પતિ અને સાસરીના લોકો તેનાથી અલગ થઈ ગયા. અત્યારે તે એકલી આ સ્થિતિનો સામનો કરી રહી છે.

પોતાની આ બીમારીની સારવાર કરાવવા માટે પૂજાએ આ પહેલા મદદની માંગ કરી હતી. આ લિસ્ટમાં સૌથી પહેલા તેણે સલમાન ખાનનું નામ લખ્યુ હતું. કારણકે તે સલમાન સાથે કામ કરી ચુકી છે. ઉલ્લેખનીય છે કે પૂજા 15 દિવસથી મુંબઈની એક હોસ્પિટલમાં દાખલ છે.