Brahmastra: SS રાજામૌલીએ ફેન્સને આપી ખુશખબર, ચિરંજીવીના અવાજમાં આ દિવસે રિલીઝ થશે બ્રહ્માસ્ત્રનું ટ્રેલર
બ્રહ્માસ્ત્રમાં સાઉથના મેગાસ્ટાર ચિરંજીવીની મહત્વની ભૂમિકા હશે. વાત એમ છે કે, બ્રહ્માસ્ત્ર હિન્દી સહિત તમિલ, તેલુગૂ, કન્નડ અને મલયાલમ ભાષામાં પણ રીલીઝ થશે.
Brahmastra Trailer Release Date: અયાન મુખર્જીના (Ayan Mukerji) ડાયરેક્શનમાં બનેલી પૈન ઈન્ડિયા (Pan India) ફિલ્મ બ્રહ્માસ્ત્ર (Brahmastra) ઘણા સમયથી ચર્ચામાં છે. ફિલ્મમાં આલિયા ભટ્ટ અને રણબીર કપૂર મુખ્ય ભૂમિકામાં જોવા મળશે. તો આ ફિલ્મ એટલા માટે પણ ખાસ છે કારણ કે લગ્ન બાદ આલિયા અને રણબીર પહેલી વખત આ ફિલ્મમાં એક સાથે દેખાશે. ફિલ્મને લઈને ફેન્સ ઘણા આતુર પણ છે. હવે ફિલ્મ સાથે જોડાયેલી મહત્વની જાણકારી આવી છે, જે મુજબ બ્રહ્માસ્ત્રનું ટ્રેલર 15 જૂનના રોજ રીલીઝ કરવામાં આવશે.
મળતા અહેવાલ મુજબ, બ્રહ્માસ્ત્રમાં સાઉથના મેગાસ્ટાર ચિરંજીવીની મહત્વની ભૂમિકા હશે. વાત એમ છે કે, બ્રહ્માસ્ત્ર હિન્દી સહિત તમિલ, તેલુગૂ, કન્નડ અને મલયાલમ ભાષામાં પણ રીલીઝ થશે. બ્રહ્માસ્ત્રના તેલુગૂ વર્ઝન માટે ચિરંજીવી પોતાનો અવાજ આપ્યો છે. આ સમાચારને લઈ ચિરંજીવી પહેલાં જ ચર્ચામાં હતા પણ હવે આ સમાચારને સત્તાવાર મહોર મારવામાં આવી છે.
View this post on Instagram
સોશિયલ મીડિયા પર ડાયરેક્ટર એસએસ રાજામૌલીની પોસ્ટ દ્વારા આ સમાચાર આપવામાં આવ્યા છે. રાજામૌલીની પોસ્ટ મુજબ 15 જૂનના રોજ ચિરંજીવીની અવાજમાં બ્રહ્માસ્ત્રનું તેલુગૂ ટ્રેલર રીલીઝ કરવામાં આવશે. આ સિવાય કરણ જોહરે પણ ટ્વીટ કર્યું છે.
કરણ જોહરે એક ટીઝર શેર કરતાં લખ્યું કે, 'ટીમ બ્રહ્માસ્ત્રમાં આપનું સ્વાગત છે ચિરંજીવી સર. હું ખુબ આભારી અને સન્માનિત અનુભવી રહ્યો છું કે તમે બ્રહ્માસ્ત્રના તેલુગૂ વર્જનને તમારો અવાજ આપ્યો છે. તમારી પ્રતિભા અને ભવ્યતા આ પરિવારને મજબૂત બનાવવા માટે તમારો આભાર.'
ટોપ સ્ટોરી
ટ્રેન્ડિંગ સમાચાર
