(Source: ECI/ABP News/ABP Majha)
Farhan Shibani Wedding: Farhan Akhtar અને Shibani Dandekarના 19 ફેબ્રુઆરીના રોજ થશે લગ્ન
ફિલ્મ નિર્માતા અને અભિનેતા ફરહાન અખ્તર અને એક્ટ્રેસ શિબાની દાંડેકર 19 ફેબ્રુઆરીએ મહારાષ્ટ્રના હિલ સ્ટેશન ખંડાલા ખાતે લગ્ન કરશે
મુંબઈ: ફિલ્મ નિર્માતા અને અભિનેતા ફરહાન અખ્તર અને એક્ટ્રેસ શિબાની દાંડેકર 19 ફેબ્રુઆરીએ મહારાષ્ટ્રના હિલ સ્ટેશન ખંડાલા ખાતે લગ્ન કરશે. આ લગ્નમાં ફક્ત નજીકના સંબંધીઓ, મિત્રો અને ખાસ લોકોને આમંત્રણ આપવામાં આવ્યું છે.
એબીપી ન્યૂઝને માહિતી આપતા પરિવારના એક નજીકના સૂત્રએ જણાવ્યું હતું કે ફરહાન અને શિબાનીના લગ્ન ખંડાલામાં જાવેદ અખ્તર અને શબાના આઝમીના ફાર્મહાઉસમાં મરાઠી રીતિ-રિવાજ મુજબ થશે. લગ્નના બે દિવસ પહેલા બાંદ્રામાં ફરહાન અને શિબાનીના ઘરે હલ્દીની વિધિ કરવામાં આવી હતી જ્યાં શિબાનીની બહેન અનુષા દાંડેકર અને કેટલીક અન્ય હસ્તીઓ પણ જોવા મળી હતી.
સૂત્રના જણાવ્યા અનુસાર, લગ્નથી લઈને લગ્ન પછીની વિધિ અને પાર્ટીમાં દરરોજ અલગ-અલગ લોકો સામેલ થશે. નોંધનીય છે કે શિબાની દાંડેકર સાથે ફરહાન અખ્તરના આ બીજા લગ્ન હશે. તેણે વર્ષ 2000માં અધુના ભાબાની સાથે લગ્ન કર્યા હતા પરંતુ 2017માં બંનેએ કાયદેસર રીતે છૂટાછેડા લીધા હતા.
નોંધનીય છે કે ફરહાન અને શિબાનીની મુલાકાત 2015માં 'આઈ કેન ડુ ધેટ' નામના રિયાલિટી શો દરમિયાન થઈ હતી. ફરહાન આ શોનો હોસ્ટ હતો ત્યારે શિબાનીએ આ શોમાં સ્પર્ધક તરીકે ભાગ લીધો હતો. થોડા મહિના પછી તેમના અફેરની ચર્ચાઓ શરૂ થઈ ગઈ. બંને પહેલીવાર 2018માં રણબીર સિંહ અને દીપિકા પાદુકોણના વેડિંગ રિસેપ્શનમાં સાથે જોવા મળ્યા હતા.
ચીનની આ દિગ્ગજ મોબાઇલ કંપની ભારતમાં 2023 સુધી કરશે 3,500 કરોડનું રોકાણ, જાણો શું છે પ્લાનિંગ........
EPFO સભ્ય છો ? તો જાણી લો સરકાર તમારા માટે શું શું આપી રહી છે લાભ, શું છે ફાયદો, જાણો વિગતે
મોદી સરકાર યુવાનોને દર મહિને આપી રહી છે 25000 રૂપિયા અને કાયમી નોકરી? જાણો સરકારે શું કરી સ્પષ્ટતા
ટ્રેન્ડિંગ સમાચાર
ટોપ સ્ટોરી
