પ્રથમ વખત પિતા સાથે સ્ક્રીન શેર કરતી જોવા મળશે જાહ્નવી, એક્ટિંગ કરતા જોવા મળશે બોની કપૂર

બોલિવૂડની યુવા અભિનેત્રી જાહ્નવી કપૂર(Janhvi Kapoor) આ દિવસોમાં તેની આગામી ફિલ્મ 'ગુડ લક જેરી'ના પ્રમોશનમાં વ્યસ્ત છે.

જાહ્નવી કપૂર

Janhvi Kapoor and Boney Kapoor Work Together: બોલિવૂડની યુવા અભિનેત્રી જાહ્નવી કપૂર(Janhvi Kapoor) આ દિવસોમાં તેની આગામી ફિલ્મ 'ગુડ લક જેરી'ના પ્રમોશનમાં વ્યસ્ત છે. તેની પાસે ઘણા રસપ્રદ પ્રોજેક્ટ્સ પણ છે. તે પહેલીવાર તેના પિતા બોની કપૂર(Boney Kapoor) ની ફિલ્મ 'મિલી'(Mili)માં જોવા મળશે. જાહ્નવીએ શૂટિંગ પણ પૂરું કરી લીધું છે. પરંતુ વધુ રસપ્રદ સમાચાર એ છે કે તે ટૂંક સમયમાં તેના પિતા બોની સાથે એક પ્રોજેક્ટમાં સ્ક્રીન શેર કરતી જોવા મળશે.

એક એડમાં પિતા-પુત્રી અભિનેતા તરીકે સાથે જોવા મળશે

એક મીડિયા રિપોર્ટ અનુસાર, જાહ્નવી તેના પિતા બોની કપૂર સાથે તેના પ્રોડક્શનની ફિલ્મમાં કામ કર્યા બાદ એક પ્રોજેક્ટમાં સ્ક્રીન શેર કરતી જોવા મળશે. પિતા અને પુત્રી બંને એક જાહેરાતમાં અભિનેતા તરીકે સ્ક્રીન શેર કરતા જોવા મળશે. એવું પણ કહેવામાં આવી રહ્યું છે કે બંને જલ્દી જ આ જાહેરાતનું શૂટિંગ શરૂ કરવાના છે. પિંકવિલાના જણાવ્યા અનુસાર, જાહ્નવી અને તેના પિતા બોની કપૂર મુંબઈમાં શૂટિંગ કરશે અને બંને આ કોલેબરેશનને લઈ  ખૂબ જ ઉત્સાહિત છે.

જાહ્નવી પાસે ઘણી ફિલ્મો છે, બોની પણ અભિનય કરશે

જાહ્નવી ટૂંક સમયમાં તેના પિતાની ફિલ્મ 'મિલી'માં કામ કરતી જોવા મળશે. આ ફિલ્મમાં સની કૌશલ પણ લીડ રોલમાં હશે. આ સિવાય જાહ્નવી કપૂર રાજકુમાર રાવ સાથે 'મિસ્ટર એન્ડ મિસિસ માહી'માં જોવા મળશે.

જાહ્નવી કપૂર (Janhvi Kapoor)હાલમાં જ વરુણ ધવન સાથે પેરિસમાં 'બવાલ'નું શૂટિંગ કરતી જોવા મળી હતી. આ ફિલ્મને નિતેશ તિવારી પ્રોડ્યુસ કરી રહ્યા છે. બીજી તરફ બોની કપૂર(Boney Kapoor) ની વાત કરીએ તો તે લવ રંજનની આગામી ફિલ્મથી એક્ટર તરીકે ડેબ્યૂ કરવા જઈ રહ્યા છે. તેમાં રણબીર કપૂર અને શ્રદ્ધા કપૂર મુખ્ય ભૂમિકામાં છે. હાલમાં જ આ ફિલ્મનું શૂટિંગ સ્પેનમાં ચાલી રહ્યું હતું. સેટ પરથી ઘણા વીડિયો વાયરલ થઈ રહ્યા છે.