Ravindra Jadeja Film Production: રવીન્દ્ર જાડેજા ધોનીના માર્ગે, ફિલ્મ નિર્માણમાં ઝંપલાવ્યું, શેર કર્યું પહેલી ફિલ્મનું પોસ્ટર

Ravindra Jadeja: ભારતીય ક્રિકેટ ટીમનો સ્ટાર ઓલરાઉન્ડર રવિન્દ્ર જાડેજા તેની પત્ની રીવાબા સાથે એક ફિલ્મ બનાવવા જઈ રહ્યો છે.  જેનું પોસ્ટર તેણે તેના સોશિયલ મીડિયા હેન્ડલ દ્વારા શેર કર્યું છે.

Ravindra Jadeja Film

Ravindra Jadeja Film: મહેન્દ્ર સિંહ ધોની બાદ હવે રવિન્દ્ર જાડેજાએ પણ ફિલ્મી દુનિયામાં પગ મૂક્યો છે. રવિન્દ્ર જાડેજા તેમની પત્ની રીવાબા સાથે મળીને એક ફિલ્મ બનાવી રહ્યા છે. જેની માહિતી ખુદ રવિન્દ્ર જાડેજાએ તેમના સોશિયલ મીડિયા પ્લેટફોર્મ દ્વારા ફિલ્મનું પોસ્ટર શેર કરીને આપી છે. ચાલો તમને ભારતીય ક્રિકેટ ટીમના સ્ટાર ઓલરાઉન્ડર રવિન્દ્ર જાડેજાની આ પ્રથમ ફિલ્મ વિશે જણાવીએ.

બોલિવુડની 63 વર્ષીય એક્ટ્રેસ નીના ગુપ્તાનો અભિનય

ભારતીય ક્રિકેટર રવિન્દ્ર જાડેજા બોલિવુડની 63 વર્ષીય એક્ટ્રેસ નીના ગુપ્તાની અભિનય ધરાવતી ફિલ્મને પ્રોડ્યુસ કરી રહ્યો છે. આ ફિલ્મનુ નામ ‘પચ્ચત્તર કા છોરા’ છે અને જેનુ હવે શુટિંગ થનારુ છે. આ ફિલ્મને રવિન્દ્ર જાડેજા અને તેમના પત્ની જામનગરના ધારાસભ્ય રિવાબા જાડેજા બંને સાથે કો-પ્રોડ્યુસર છે. નીના ગુપ્તાની ફિલ્મના મુર્હતની એક તસ્વીર સોશિયલ મીડિયા પર શેર કરવામાં આવી છે. જેમાં રવિન્દ્રના પત્ની રિવાબા જાડેજા પણ નજર આવી રહ્યા છે.

આ ફિલ્મમાં રણદીપ હુડા સંજય મિશ્રા, નીના ગુપ્તા અને ગુલશન ગ્રોવર જેવા બોલિવૂડના દિગ્ગજ કલાકારો જોવા મળશે. રવિન્દ્ર જાડેજા અને તેની પત્ની રીવાબા આ ફિલ્મના સહ-નિર્માતા છે. તો આ ફિલ્મના નિર્દેશક જયંત ગિલતાર છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Ravindrasinh jadeja (@ravindra.jadeja)

રાજસ્થાનમાં થશે ફિલ્મનું શુટિંગ

ફિલ્મનુ શુટિંગ રાજસ્થાનમાં શરૂ કરવામાં આવ્યું છે ફિલ્મની કહાની પણ જોરદાર છે તેવું ચર્ચાઇ રહ્યું છે. નીના ગુપ્તા 17 વર્ષ નાના યુવક હુડ્ડા સાથે રોમાંસ કરતી નજર આવનારી છે. રવિન્દ્ર જાડેજા આ ફિલ્મનુ નિર્માણ કરવામાં જોડાયો છે. આ સાધ જ તે ફિલ્મી દુનિયામાં હવે પગ માંડી ચુક્યો છે. હાલમાં તે શરુઆત ફિલ્મ પ્રોડક્શનમાં જોડાયો છે. તે ખુદ ફિલ્મોમાં નજર આવશે કે નહીં તે ને લઈને પણ ફેન્સ અત્યારથી જ આ તસ્વીર જોઈને વિચારવા લાગ્યા છે.

રવિન્દ્ર જાડેજાની આ ફિલ્મની લોન્ચિંગ તારીખ જાહેર કરવામાં આવી નથી. રવીન્દ્ર જાડેજાની પત્ની ગુજરાતના જામનગરના ધારાસભ્ય છે અને તે ત્યાં રહે છે. તે જ સમયે રવિન્દ્ર જાડેજા હાલમાં ટીમ ઇન્ડિયા સાથે છે, જે બોર્ડર-ગાવસ્કર ટ્રોફી માટે ઓસ્ટ્રેલિયા સામે 4 ટેસ્ટ મેચની શ્રેણી રમી રહ્યો છે.