સમાંથા રુથ પ્રભુએ રાજ નિદિમોરું સાથે કર્યા લગ્ન, શેર કરી લગ્નની પ્રથમ તસવીર
સાઉથ અભિનેત્રી સમાંથા રૂથ પ્રભુએ રાજ નિદિમોરુ સાથેના લગ્નની જાહેરાત કરી છે. બંનેએ 1 ડિસેમ્બરે ઈશા યોગા સેન્ટર ખાતે લિંગ ભૈરવી મંદિરમાં લગ્ન કર્યા હતા.
સાઉથ અભિનેત્રી સમાંથા રૂથ પ્રભુએ રાજ નિદિમોરુ સાથેના લગ્નની જાહેરાત કરી છે. બંનેએ 1 ડિસેમ્બરે ઈશા યોગા સેન્ટર ખાતે લિંગ ભૈરવી મંદિરમાં લગ્ન કર્યા હતા. સામંથાએ રાજ સાથેના લગ્નની તસવીરો શેર કરી છે. ફોટામાં સામંથા અને રાજ ખૂબ ખુશ જોવા મળી રહ્યા છે.
સમાંથાનો બ્રાઇડલ લુક
તસવીરોમાં રાજ અને સમાંથા ખૂબ ખુશ દેખાય છે. સમાંથાએ લાલ સાડી પહેરી હતી, સોનાના દાગીના અને સોનાનો હાર પહેર્યો હતો. તેણીએ સોનાની વીંટી પણ પહેરી હતી. સામંથા ફોટામાં તેનું મંગળસૂત્ર અને હીરાની વીંટી ફ્લોન્ટ કરી હતી. સામંથાએ મહેંદી લગાવી હતી, હળવો મેકઅપ કર્યો હતો અને વાળમાં ગજરો પહેર્યો હતો. તે આખા બ્રાઇડલ લુકમાં એકદમ સુંદર દેખાતી હતી. સામંથાનો આ બ્રાઈડલ લૂક ખૂબ જ સુંદર છે. ફેન્સ અભિનેત્રીને શુભેચ્છાઓ આપી રહ્યા છે અન તેના આ લૂકને ખૂબ જ પસંદ કરી રહ્યા છે. આ દરમિયાન, રાજ સફેદ કુર્તા અને પાયજામા સેટમાં જોવા મળ્યા હતા, અને તેણે નારંગી રંગનું નેહરુ જેકેટ પહેર્યું હતું.
View this post on Instagram
સમાંથા અને રાજ લાંબા સમયથી ડેટિંગ કરી રહ્યા છે. તેઓએ વેબ સિરીઝ ધ ફેમિલી મેનમાં પણ સાથે કામ કર્યું હતું. સમાંથા ધ ફેમિલી મેનની બીજી સીઝનમાં જોવા મળી હતી. ત્યારથી, તેમના અફેરની અફવાઓ ફેલાઈ રહી છે. સમાંથા અને રાજે તેમના સંબંધોને સત્તાવાર રીતે જાહેર કર્યા નથી, પરંતુ તેઓ ઘણીવાર સાથે જોવા મળતા હતા. સમાંથા અને રાજના ઘણા ફોટા સોશિયલ મીડિયા પર વાયરલ થયા હતા.
હવે, બંનેએ એક ગુપ્ત સમારંભમાં લગ્ન કર્યા છે. અહેવાલો દર્શાવે છે કે તેમના લગ્નમાં ફક્ત 30 મહેમાનો હાજર રહ્યા હતા. તેમણે લગ્ન એકદમ સાદગીથી કરવામાં આવ્યા હતા. ખૂબ જ ઓછા લોકો તેમના લગ્નમાં હાજર રહ્યા હતા.
સમાંથા અને રાજ બંને માટે આ બીજા લગ્ન છે. સામંથાના પહેલા લગ્ન નાગા ચૈતન્ય સાથે થયા હતા, પરંતુ 2021 માં તેમના છૂટાછેડા થઈ ગયા. રાજ નિદિમોરુની પૂર્વ પત્ની શ્યામલી ડે છે. રાજ અને શ્યામલીના સંબંધો પણ તૂટી ગયા છે.
ટોપ સ્ટોરી
ટ્રેન્ડિંગ સમાચાર
