ટાઈગર શ્રોફની ‘બાગી 2’એ બોક્સ ઓફિસ પર મચાવી ધૂમ, જાણો 5 દિવસમાં કરી કેટલી કમાણી

જણાવીએ કે, ફિલ્મમાં ટાઈગર રણવીર પ્રતાપ સિંહ ઉર્ફ રોનીની ભૂમિકામાં છે અને એક કમાન્ડોની ભૂમિકા ભજવી રહ્યા છે. તે નેહા (દિશા) તેની કોલેજની લવરની ભૂમિકામાં છે જેના લગ્ન કોઈ અન્ય સાથે થાય છે અને બાદમાં બન્નેની મુલાકાત ચાર વર્ષ પછી થાય છે. નેહા, રોની સમક્ષ તેની કિડનેપ થયેલી બાળકી શોધવા માટે મદદ માગે છે અને અહીંથી જ કહાની બદલાઈ જાય છે. ફિલ્મમાં દીપક ડોબરિયાલ, દિશાના પતિની ભૂમિકામાં છે.

30 માર્ચે રિલીઝ થયેર બાગી 2 પાંચમા દિવસે એટલે કે મંગળવારે 11 કરોડની કમાણી સાથે 100 કરોડની નજીક પહોંચી ગઈ છે. ફિલ્મની કુલ કમાણી અત્યાર સુધીમાં 96.20 કરોડ રૂપિયા રહી છે. આ સફળતા માટે ફિલ્મમેકર કરણ જૌહરે ટાઈગર શ્રોફને ટ્વિટર પર અભિનંદન પાઠવ્યા છે. ટાઈગર શ્રોફની એક્શન અને દિશા પટાનીની સાથે તેની કેમિસ્ટ્રીને લોકો ખૂબ પસંદ કરી રહ્યા છે.