શ્રીદેવીને શ્રદ્ધાંજલિ આપવા આવેલી આ એક્ટ્રેસને હસવું પડ્યું ભારે, થઈ ટ્રોલ

બુધવારે શ્રીદેવીને શ્રદ્ધાંજલિ આપવા આવેલી જેકલીન.

મુંબઈ: શ્રીદેવીના અંતિમ દર્શન માટે મુંબઈ સેલિબ્રેશન સ્પોર્ટ્સ ક્લબમાં રાખવમાં આવેલી શ્રદ્ધાંજલિ સભામાં બોલીવુડની લગભગ તમામ જાણીતી સેલિબ્રિટી આવી હતી. આ દરમિયાન જેકલીન ફર્નાન્ડીઝ પણ આવી હતી.

કલબમાં દાખલ થતાં સમયે જેકલીનની તસવીર વાયરલ થઈ રહી છે. આ તસવીરમાં તે હસતી નજરે પડી રહી છે. જેને લઇ લોકોએ તેની નિંદા કરી અને આ તસવીરના કારણે જ ટ્રોલ થઈ રહી છે.

ઉલ્લેખનીય છે કે બુધવારે મુંબઈના વિલે પાર્લે સેવા સમાજ સ્મશાન ગૃહમાં શ્રીદેવીના અંતિમ સંસ્કાર કરવામાં આવ્યા હતા. પતિ બોની કપૂરે શ્રીદેવીના પાર્થિવ દેહને મુખાગ્નિ આપી હતી.

એક યુઝરે લખ્યું કે, ‘ડીયર જેકલીન જો તને કોઇ દિવંગત પ્રત્યે સન્માન પ્રગટ કરવાનું ન આવતું હોય તો આવી જગ્યા પર આવવું જોઈતું નહોતું. મીડિયા કવરેજ માટે આવવાનું બંધ કરો.’

સોશિયલ મીડિયા યુઝરનું કહેવું છે કે આવા સમયે હસવાના બદલે તમારે દુઃખ પ્રગટ કરવું જોઈતું હતું.