રેપના આરોપી કરણ ઓબરોયના સપોર્ટમાં આવી આ એક્ટ્રેસ, કહ્યું- તે દયાળુ વ્યક્તિ છે....

મીડિયા રિપોર્ટ મુજબ પૂજાએ કહ્યું કે,‘ જે કરણને હું જાણું છું તેઓ સૌથી સારા વ્યક્તિ છે અને તેઓ ખૂબજ દયાળુ શખ્સ છે. તેથી આરોપ લગાવતી મહિલાથી સવાલ કરવા જોઈએ. કારણ કે તેના તથ્ય અને નિવદેન અસ્પષ્ટ છે.’

મુંબઈઃ હાલમાં જ કરણ ઓબરોયની ધરપકડ બાદ ઘણાં એક્ટર્સ તેના સપોર્ટમાં આવ્યા છે. રવિવારે અનેક એક્ટર્સે તેને સપોર્ટ કરતાં એક પ્રેસ કોન્ફરન્સ રાખી હતી. આ પ્રેસ કોન્ફરન્સમાં કરણ ઓબરેયોની બહેન ગુરબાણી ઓબરોય, એક્ટ્રેસ પૂજા બેદી, ચૈતન્ય ભોસલે, સિદ્ધાર્થ હલ્દીપુર, શેરિન વરગીસ અને સુધાંશું પાંડેય હાજર હતા. આ એક્ટર્સે જણાવ્યું કે, કરણ ઓબરોય પર લાગેલ તમામ આરોપ ખોટા છે. મીડિયા રિપોર્ટ મુજબ પૂજાએ કહ્યું કે,‘ જે કરણને હું જાણું છું તેઓ સૌથી સારા વ્યક્તિ છે અને તેઓ ખૂબજ દયાળુ શખ્સ છે. તેથી આરોપ લગાવતી મહિલાથી સવાલ કરવા જોઈએ. કારણ કે તેના તથ્ય અને નિવદેન અસ્પષ્ટ છે.’ પૂજાએ વધુમાં કહ્યું કે, ‘કેટલીક મહિલાઓ તેમના અધિકારોનો ખોટી રીતે ઉપયોગ કરે છે અને ખોટા આરોપ લગાવે છે. તો તેમને સજા આપવા માટે શું કરવું જોઈએ?’ તમને જણાવી દઈએ કે પૂજા પહેલી મહિલા એક્ટ્રેસ છે જે કરણને જાહેરમાં સપોર્ટ કરી રહી છે. મીડિયા રિપોર્ટ મુજબ રવિવારે મોડી રાત્રે પીડિતાએ મુંબઈના ઓશિવારા પોલીસ સ્ટેશનમાં કરણ સામે ફરિયાદ નોંધાવી હતી. પોલીસે IPCની કલમ 376(દુષ્કર્મ) અને 384(બ્લેકમેલિંગ) હેઠળ કરણ સામે કેસ નોંધ્યો હતો. પીડિતાએ આરોપ લગાવ્યો કે કરણે પહેલા તેની સાથે લગ્નનો ખોટો વાયદો કર્યો અને પછી શારીરિક સંબંધ બનાવ્યા અને ઘટનાનો વીડિયો બનાવી તેને વાયરલ કરવાની ધમકી આપી પૈસાની માંગણી કરી હતી.