ભાજપ સાંસદ અને બોલિવૂડની જાણીતી આ એક્ટ્રેસના દીકરાની એક્સિડંટ કેસમાં ધરપકડ કરાઈ

ગુરૂવારે મોડી રાત્રે એણે રોયલ કોલકાતા ગોલ્ફ ક્લબની બાઉન્ડ્રી વોલ સાથે કાર ટકરાવી હતી.

નવી દિલ્હીઃ ભાજપની સાસંદ રૂપા ગાંગુલીના દીકરા આકાશ મુખર્જીની ધરપકડ કરવામાં આવી છે. આકાશ મુખર્જીની પોલીસે કાર અકસ્માત બાદ ધરપકડ કરી છે. આકાશ પર નશામાં કાર ચલાવવાનો આરોપ છે. 21 વર્ષના આકાશ પર આઈસીસીની કલમ 427, કલમ 279 અંતર્ગત કેસ નોંધવામાં આવ્યો છે. ગુરૂવારે મોડી રાત્રે એણે રોયલ કોલકાતા ગોલ્ફ ક્લબની બાઉન્ડ્રી વોલ સાથે કાર ટકરાવી હતી. ત્યારબા દિવાલ કારની ઉપર પડી હતી. આકાશને પણ થોડીક ઇજા થઇ હતી. થોડી વાર પછી જાદવપુર પોલીસે આવીને અકસ્માતનું નિરીક્ષણ કર્યું હતું અને આકાશના શ્વાસનો ટેસ્ટ લેતાં જાણ થઇ હતી કે તેણે દારૂ પીધો હતો. પોલીસ એ તપાસ કરી રહી છે કે અકસ્માત થયો ત્યારે કારની સ્પીડ કેટલી હતી. આ ઘટના બાદ સાંસદ રૂપા ગાંગુલીએ ટ્વીટ કર્યું. તેણે લખ્યું મારો દીકરો મારા ઘરની નજીક અકસ્માતનો ભોગ બન્યો છે. મેં પોલીસને ફોલન કર્યો જેથી તે આ મામલે કાયદાકીય રીતે જુએ. મહેરબાની કરીને કોઈ પક્ષ લેવામાં ન આવે, કોઈ રાજનીતિ કરવામાં ન આવે. હું મારા દીકરાને પ્રેમ કરું છે અને તેનું ધ્યાન રાખીશ પરંતુ કાયદો પોતાનું કામ કરવું જોઈએ.