કથિત બોયફ્રેન્ડ સાથે કઝિનના લગ્નમાં જોવા મળી પ્રિયંકા ચોપરા, તસવીરો થઈ વાયરલ

એકબીજાને ડેટ કરી રહ્યા હોવાની અફવાહ વચ્ચે પ્રિયંકા અને નિક એરપોર્ટ પર સાથે જોવા મળ્યા હતા. જાણકારી મુજબ પ્રિયંકા નિકની કઝિનના લગ્નમાં સામેલ થવા માટે પહોંચી હતી. લગ્નનો કાર્યક્રમ ન્યૂજર્સીના એટલાન્ટિક સીટીમાં આયોજીત કરવામાં આવ્યો હતો.

નવી દિલ્લી: પ્રિયંકા ચોપરા અને નિક જોનસની તસવીરો હાલ સોશ્યલ મીડિયા પર વાયરલ થઈ રહી છે. આ તસવીરોમાં પ્રિયંકા હૉલિવુડ સિંગર નિક સાથે હાથોમાં હાથ નાખી જોવા મળી હતી. એકબીજાને ડેટ કરી રહ્યા હોવાની અફવાહ વચ્ચે ફરી એકવાર પ્રિયંકા અને નિક એરપોર્ટ પર સાથે જોવા મળ્યા હતા.

નિક જોનાસ પ્રિયંકા ચોપરાથી ઉંમરમાં લગભગ 10 વર્ષ નાનો છે. પ્રિયંકા ચોપરા હવે 36 વર્ષની થશે, નિક સપ્ટેમ્બરમાં પોતાના 26માં જન્મદિવસની ઉજવણી કરશે.

પ્રિયંકા અને નિક આ પહેલા પણ ઘણી વખત એક સાથે જોવા મળ્યા છે. અફવાહ ચાલી રહી છે કે બંને એકબીજાને ડેટ કરી રહ્યા છે, પરંતુ બંનેએ પોતાના સંબંધોને લઈને મૌન નથી તોડ્યું.