ફોર્બ્સ લિસ્ટઃ દીપિકા પાદુકોણ બની ટોપ-5માં સામેલ થનારી પ્રથમ એક્ટ્રેસ, રણવીર સિંહ પણ લિસ્ટમાં

ગત વર્ષે દીપિકા પાદુકોણે 70 કરોડની કમાણી કરી હતી અને લિસ્ટમાં છઠ્ઠા નંબર પર હતી. જ્યારે 2017માં રણવીર સિંહ આ લિસ્ટમાં સાતમાં નંબર પર હતો. આ વર્ષે તે એક નંબર નીચે ઉતરી ગયો છે. નવેમ્બરમાં બંનેએ ઈટાલીના લેક કોમોમાં ભવ્ય લગ્ન કર્યા હતા.

વર્ષ 2018માં દીપિકા પાદુકોણની કુલ કમાણી 112.8 કરોડ રૂપિયા છે. આ લિસ્ટરમાં રણવીર સિંહ આઠમાં નંબર પર છે. રણવીરે ચાલુ વર્ષે 84.67 કરોડ રૂપિયાની કમાણી કરી છે.

નવી દિલ્હીઃ બોલીવુડનું ન્યૂલી વેડ કપલ દીપિકા પાદુકોણ અને રણવીર સિંહ તેમના લગ્ન બાદ પણ ચર્ચામાં છે. આ વખતે તેઓ તેમના લગ્નના કારણે નહીં પરંતુ આવકના કારણે ચર્ચામાં છે. ફોર્બ્સ ઈન્ડિયા 2018ના સૌથી ધનિક સેલિબ્રિટીઝના લિસ્ટમાં પ્રથમ વખત ટોપ 5માં કોઈ એક્ટ્રેસને સ્થાન મળ્યું છે. દીપિકા પાદુકોણ આ લિસ્ટમાં ચોથા સ્થાન પર છે. દીપિકાનો પતિ અને એક્ટર રણવીર સિંહ પણ આ લિસ્ટમાં સામેલ છે.