Oscar 2023 After Party: લોસ એન્જલસમાં રાજામૌલીના ઘરે યોજાઇ નાટૂ- નાટૂની ઓસ્કાર જીતની પાર્ટી, જુઓ સેલિબ્રેશનની તસવીરો

દક્ષિણ સિનેમાની ફિલ્મ RRR ના નાટૂ- નાટૂ ગીતે 95મા ઓસ્કાર એવોર્ડમાં જીત મેળવી છે. આવી સ્થિતિમાં નાટૂ- નાટૂની ઓસ્કર જીત્યા બાદ પાર્ટીની કેટલીક અંદરની તસવીરો સામે આવી છે.

RRRના સોન્ગને ઓસ્કાર અવોર્ડ

RRR Oscar 2023: દક્ષિણ સિનેમાની ફિલ્મ RRR ના નાટૂ- નાટૂ ગીતે 95મા ઓસ્કાર એવોર્ડમાં જીત મેળવી છે. આવી સ્થિતિમાં નાટૂ- નાટૂની ઓસ્કર જીત્યા બાદ પાર્ટીની કેટલીક અંદરની તસવીરો સામે આવી છે.

ઓસ્કાર એવોર્ડ 2023માં સાઉથ સિનેમાની બ્લોકબસ્ટર ફિલ્મ RRR ના સુપરહિટ ગીત નાટૂ- નાટૂએ શ્રેષ્ઠ મૂળ ગીતની કેટેગરી જીતી છે. નાટૂ- નાટૂની આ જીત સાથે ભારતીય સિનેમા માટે એક ઐતિહાસિક ક્ષણ પણ સ્થાપિત થઈ ગઈ છે. નાટૂ- નાટૂની આ જીતની દરેક જગ્યાએ ચર્ચા થઈ રહી છે, સાથે જ આ ગીતની જીતની ઉજવણી પણ થઈ રહી છે. આવી સ્થિતિમાં ઓસ્કાર જીત્યા પછી સોમવારે મોડી રાત્રે RRR ડિરેક્ટર એસએસ રાજામૌલીના લોસ એન્જલસના ઘરે એક પાર્ટીનું આયોજન કરવામાં આવ્યું છે. જેની અંદરની તસવીરો સામે આવી છે.

નાટૂ- નાટૂની સક્સેસ પાર્ટીની તસવીરો સામે આવી

'R R R'ના નાટૂ- નાટૂ ગીતે ઓસ્કાર જીતીને દેશની પ્રતિષ્ઠા ઘણી વધી ગઈ છે. જેના કારણે દરેક નાટૂ- નાટૂની સફળતાની વાતો કરી રહ્યા છે. આ દરમિયાન સોમવારે મોડી રાત્રે અમેરિકાના લોસ એન્જલસમાં ડાયરેક્ટર એસએસ રાજામૌલીના ઘરે નાટૂ- નાટૂ માટે ઓસ્કાર વિનિંગ પાર્ટીનું આયોજન કરવામાં આવ્યું હતું. આ પ્રસંગની અંદરનો ફોટો સાઉથ સિનેમાના સુપરસ્ટાર રામ ચરણની પત્ની ઉપાસના કામીનેનીએ તેના ઓફિશિયલ ઈન્સ્ટાગ્રામ હેન્ડલ પર સ્ટેરીમાં શેર કર્યો છે.

આ ફોટામાં તમે જોઈ શકો છો કે રામ ચરણ આરઆરઆર અને નાટૂ- નાટૂ ઓસ્કાર સહિત અનેક આંતરરાષ્ટ્રીય એવોર્ડ ટ્રોફી સાથે જોવા મળે છે. આ સિવાય અન્ય એક ફોટોમાં નાટૂ- નાટૂના સંગીતકાર એમએમ કીરવાણી રાજામૌલીના ઘરની અંદર પિયાનો વગાડતા જોવા મળે છે.

આ તસવીરોએ સોશિયલ મીડિયા પર છવાઈ

રામ ચરણની પત્ની ઉપાસના દ્વારા શેર કરવામાં આવેલી આ ઇન્સ્ટા સ્ટોરીઝને સોશિયલ મીડિયા પર ઘણી પસંદ કરવામાં આવી રહી છે. આ તસવીરો પરથી સરળતાથી અનુમાન લગાવી શકાય છે કે 'RRR'ના નાટૂ- નાટૂ ગીતની આ ઐતિહાસિક જીતની ફિલ્મની ટીમ દ્વારા ખૂબ જ ધામધૂમથી ઉજવણી કરવામાં આવી છે.

Sameer Khakkar Passes Away:  'નુક્કડ' ફેમ સમીર ખક્કરનું નિધન, સિરિયલમાં શરાબીની ભૂમિકા ભજવીને થયા હતા ફેમસ

Sameer Khakkar Passed Away: જાણીતા ટીવી અને ફિલ્મ અભિનેતા સમીર ખક્કર હવે આપણી વચ્ચે નથી. તેમનું 71 વર્ષની વયે નિધન થયું છે. સમીર ખક્કર 80ના દાયકામાં દૂરદર્શનની લોકપ્રિય સિરિયલ નુક્કડ (1986)માં 'ખોપડી'નું ખૂબ જ પ્રખ્યાત પાત્ર ભજવવા માટે જાણીતા છે. સમીર ખક્કડના ભાઈ ગણેશ ખક્કડે એબીપી ન્યૂઝ સાથે વાત કરતા સમીરના મૃત્યુની પુષ્ટિ કરી છે.

મલ્ટિપલ ઓર્ગન ફેલ્યોર થવાને કારણે અભિનેતાનું અવસાન થયું

સમીર ખક્કરના ભાઈ ગણેશ ખક્કરે પણ અભિનેતાના મૃત્યુના કારણો વિશે માહિતી આપી હતી. તેમણે જણાવ્યું કે સમીર ખક્કરને શ્વાસ લેવામાં તકલીફ થઈ રહી હતી અને છેલ્લા કેટલાક દિવસોથી તેમની તબિયત બગડી રહી હતી. ગઈકાલે બપોરે તેમને શ્વાસ લેવામાં તકલીફ પડતાં તેમને બોરીવલીની એમએમ હોસ્પિટલમાં દાખલ કરવામાં આવ્યા હતા, જ્યાં તેઓ બેહોશ થઈ ગયા હતા અને તેમને આઈસીયુમાં દાખલ કરવામાં આવ્યા હતા. બાદમાં મલ્ટીપલ ઓર્ગન ફેલ થવાને કારણે આજે સવારે 4.30 વાગ્યે તેમનું અવસાન થયું હતું. તેમના અંતિમ સંસ્કાર બોરીવલીમાં બાભાઈ નાકા સ્મશાનભૂમિમાં કરવામાં આવશે. સમીરની છેલ્લી ફિલ્મ 'ફર્જી' હતી.