Shreya Ghoshal Concert Chaos: શ્રેયા ઘોષાલના કંસર્ટમાં ભાગદોડ, અનેક લોકો ઘાયલ, એક શખ્સ બેભાન
Shreya Ghoshal Concert Chaos: શ્રેયા ઘોષાલના કન્સર્ટમાં નાસભાગ મચી ગઇ હતી. જેમાં એક વ્યક્તિ ઘાયલ થઈ હતી. ભાગદોડમાં દરમિયાન એક વ્યક્તિ બેભાન થઈ ગયો હતો અને તેને નજીકની હોસ્પિટલમાં લઈ જવામાં આવ્યો હતો.
Shreya Ghoshal Concert Chaos: ગુરુવારે ઓડિશાના કટકમાં બોલિવૂડ ગાયિકા શ્રેયા ઘોષાલે લાઈવ કોન્સર્ટ રજૂ કર્યો. શહેરના બાલી યાત્રા મેદાનમાં આયોજિત આ કોન્સર્ટમાં અંધાધૂંધી સર્જાતા બાલી યાત્રા મહોત્સવના સમાપન સમારોહમાં ઘોષાલના પર્ફોમ્સને જોવા માટે હજારો ચાહકો એકઠા થયા હતા. ભાગદોડ જેવી સ્થિતિ સર્જાઈ હતી, જેમાં એક વ્યક્તિ ઘાયલ થઈ હતી.
પીટીઆઈ અનુસાર, જિલ્લા વહીવટીતંત્રના અધિકારીઓએ જણાવ્યું હતું કે, જ્યારે શ્રેયા ઘોષાલ પર્ફોમ કરવા પહોંચ્યા ત્યારે મોટી ભીડ સ્ટેજ તરફ ધસી ગઈ હતી, જેના કારણે અરાજકતા ફેલાઈ ગઈ હતી. પરિણામે, શ્રેયાના કોન્સર્ટને થોડા સમય માટે રોકવો પડ્યો હતો. જોકે, પોલીસે પરિસ્થિતિને કાબૂમાં લીધી હતી, અને પછીથી તેને ફરી શરૂ કરવામાં આવ્યો હતો.
શ્રેયા ઘોષાલના કોન્સર્ટમાં ધક્કામુક્કી દરમિયાન એક વ્યક્તિ બેભાન થઈ ગયો અને તેને નજીકની હોસ્પિટલમાં લઈ જવામાં આવ્યો. ઈન્ડિયા ટુડેના અહેવાલ મુજબ, પોલીસ કમિશનર એસ. દેવ દત્તા સિંહે જણાવ્યું હતું કે, "કટકમાં મોટી ભીડ એકઠી થઈ ગઈ હતી. એક વ્યક્તિ અને બીજા વ્યક્તિ વચ્ચે કોઈ જગ્યા નહોતી તેના કારણે પગ મૂકવાની પણ જગ્યા ન હોય તેવી સ્થિતિ સર્જાઇ હતી. જે લોકો ભીડમાં ઊભા રહી શકતા ન હતા તેમને અધિકારીઓની મદદથી બહાર કાઢવામાં આવ્યા હતા. ભાગદોડમા કોઇ ગંભીર ઈજાના અહેવાલ નથી."
"એક વ્યક્તિને સામાન્ય ઈજા થઈ..."
સિંહે પીટીઆઈને જણાવ્યું, "જોકે આવી કોઈ અનિચ્છનીય ઘટના બની ન હતી. એ સાચું છે કે, ત્યાં ભારે ભીડ હતી અને અમે તેને સારી રીતે સંભાળી. એક વ્યક્તિને સામાન્ય ઈજા થઈ હતી અને તેની હાલત સ્થિર છે."
શ્રેયા ઘોષાલે તેના હિટ ગીતો ગાયા.
શ્રેયા ઘોષાલે કટકમાં પહેલી વાર પરફોર્મ કર્યું. તેણીએ ડોલા રે ડોલા, ચિકની ચમેલી, મસ્તાની હો ગઈ, રાધા અને મનવા લાગે જેવા તેના મધુર ગીતોથી શ્રોતાઓને મંત્રમુગ્ધ કર્યા.
ટોપ સ્ટોરી
ટ્રેન્ડિંગ સમાચાર
