ટાઈગર શ્રોફની ફિલ્મ બાગી-2નું ફર્સ્ટ પોસ્ટર રિલીઝ, જાણો ક્યારે થશે રિલીઝ

આ ફિલ્મનું બજેટ 50 કરોડ રૂપિયા બતાવવામાં આવી રહ્યું છે, જો કે ગત ફિલ્મ બાગી માત્ર 35 કરોડમાં બની હતી અને ફિલ્મે લગભગ 127 કરોડ રૂપિયાની કમાણી કરી હતી.

નવી દિલ્લી: વર્ષ 2016માં આવેલી ટાઈગર શ્રોફની ફિલ્મ બાગીને સફળતા મળ્યા બાદ તેની સીક્વલ બનાવવામાં આવી છે જે આ વર્ષે રિલીઝ થવા જઈ રહી છે. ટાઈગર શ્રોફે બાગી-2નું પ્રથમ પોસ્ટર રિલીઝ કર્યું છે. ટાઈગરે પોતાની પોસ્ટમાં લખ્યું કે પ્યાર માટે વિદ્રોહી બનવા પણ તૈયાર છે. આ ફિલ્મની રિલીઝ ડેટ પણ જાહેર કરી દીધી છે.

જણાવી દઈએ કે આ ફિલ્મ 30 માર્ચે રિલીઝ થશે. ફિલ્મમાં ટાઈગર શ્રોફ સાથે કથિત ગર્લફ્રેન્ડ દિશા પટણી મુખ્ય ભૂમિકામાં છે.

ફિલ્મનું નિર્દેન અહમદ ખાન કરી રહ્યા છે અને નિર્માતા સાજિદ નડિયાદવાલા છે. ફિલ્મનો પહેલો ભાગ 2016માં રિલીઝ થયો હતો તેમાં ટાઈગર શ્રોફ અને શ્રદ્ધા કપૂર નજર આવ્યા હતા.