ગુજરાતમાં શરાબના શોખીનો માટે રાહતના સમાચાર, નશાબંધી એક્ટના નવા નિયમોમાં શું કરાઈ છે જોગવાઈ?

જો કે માત્ર દારૂ પીધેલી હાલતમાં પકડાય તો પોલીસ જામીન આપશે ખરી પણ ગુનો સાબિત થતાં 6 મહિના સુધીની સજા થશે. દારૂ પીને વાહન ચલાવતા પકડાયા તો મોટર વ્‍હીકલ એકટની કલમ 155 હેઠળ 6 મહિના સુધીની સજા થશે. આમ દારૂ પીને કાર ચલાવવા બદલ એક વર્ષ સુધીની સજા થઈ શકે છે.

ગુજરાત સરકારે નશાબંધી એક્ટની કલમ 85(1)ના નિયમોમાં કોઈ જ ફેરફાર કર્યો નથી. તેના કારણે દારૂબંધીનો ભંગ કરનાર નાગરીકના મેડીકલ, તસ્‍વીરો અને અંગૂઠાની છાપ જેવી પ્રોસિજર પૂર્ણ કર્યા બાદ પોલીસ સ્‍ટેશનમાંથી જ જામીન મળી શકશે. આ નિયમ દારૂડિયાઓ માટે રાહતરૂપ છે કેમ કે તેમણે જેલની હવા નહીં ખાવી પડે.